ಮಂಗಳೂರು: ಕೆಂಜಾರು ವಾಣಿಜ್ಯ ಸಂಕೀರ್ಣದಲ್ಲೂ ಬಾಂಬ್‌ ಇಡಲು ನಡೆದಿತ್ತು ಪ್ರಯತ್ನ?

•   Tue, Jan 21 2020 10:12:34 AM



• ಮಂಗಳೂರು, ಜ 21 (Daijiworld News/MB) : ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಬಾಂಬ್‌ ಇಟ್ಟಿದ್ದ ಶಂಕಿತ ವ್ಯಕ್ತಿ ಕೆಂಜಾರು ಬಳಿ ವಾಣಿಜ್ಯ ಸಂಕೀರ್ಣದಲ್ಲಿ ಬಾಂಬ್ ಇಡಲು ಯತ್ನ ಮಾಡಿದ್ದಾನೆ ಎಂದು ತನಿಖೆಯಲ್ಲಿ ತಿಳಿದು ಬಂದಿದೆ ಎಂದು ವರದಿಯಾಗಿದೆ.

  

  ನಗರ ಸಾರಿಗೆ ಬಸ್‌ನಲ್ಲಿ ಸೋಮವಾರ ಬೆಳಿಗ್ಗೆ ಶಂಕಿತ ವ್ಯಕ್ತಿ ಬಂದಿದ್ದು ಕೆಂಜಾರುವಿನಲ್ಲಿ ವಾಣಿಜ್ಯ ಸಂಕೀರ್ಣವೊಂದರಲ್ಲಿರುವ ರಾಯಲ್ ಮೆನ್ಸ್ ಸಲೂನ್ ಎಂಬ ಕ್ಷೌರದಂಗಡಿಗೆ ಹೋಗಿ ಮುಖ ಕ್ಷೌರ ಮಾಡಿಸಿಕೊಂಡು ತಾನು ತಂದಿದ್ದ ಎರಡು ಬ್ಯಾಗ್‌ಗಳ ಪೈಕಿ ಒಂದನ್ನು ಅಲ್ಲೆ ಇಡಲು ಯತ್ನ ಮಾಡಿದ್ದ ಎಂದು ಕ್ಷೌರದಂಗಡಿ ಮಾಲೀಕ‌ ಸಲ್ಮಾನ್ ಅವರನ್ನು ವಿಚಾರಣೆ ನಡೆಸಿದ್ದಾಗ ತಿಳಿದು ಬಂದಿದೆ ಎಂದು ಹೇಳಲಾಗಿದೆ.

  ಆ ವ್ಯಕ್ತಿ ಟೊಪ್ಪಿ ಧರಿಸಿಕೊಂಡು, ತಲೆ ಬಗ್ಗಿಸಿಯೇ ಮಾತನಾಡಿದ್ದು ಮುಖ ನೋಡಲು ಸಾಧ್ಯವಾಗಲಿಲ್ಲ. ಒಂದು ಬ್ಯಾಗ್ ಸಲೂನ್ ನಲ್ಲಿ ಇಟ್ಟು ಹೋಗುತ್ತೇನೆ ಎಂದು ಹೇಳಿದ, ನಾಣು ಅದಕ್ಕೆ ಒಪ್ಪಿಗೆ ನೀಡಲಿಲ್ಲ. ವಾಣಿಜ್ಯ ಸಂಕೀರ್ಣದ ಭದ್ರತಾ ಸಿಬ್ಬಂದಿ ಕೂಡ ನಿರಾಕರಿಸಿದರು' ಎಂದು ಸಲ್ಮಾನ್ ತಿಳಿಸಿದ್ದಾರೆ ಎನ್ನಲಾಗಿದೆ.