ಮಂಗಳೂರು: ಬಾಂಬರ್ ಆದಿತ್ಯ ಮಂಗಳೂರಿನ ಪೊಲೀಸರಿಗೆ ಹಸ್ತಾಂತರ-ಭದ್ರತೆಯಲ್ಲಿ ಪಣಂಬೂರು ಠಾಣೆಗೆ ರವಾನೆ

•   Wed, Jan 22 2020 10:19:54 PM



• ಮಂಗಳೂರು, ಜ 22 (DaijiworldNews/SM): ಬೆಂಗಳೂರಿನಲ್ಲಿ ಶರಣಾಗತಿಯಾಗಿದ್ದ ಮಂಗಳೂರು ವಿಮಾನ ನಿಲ್ದಾಣದ ಬಾಂಬರ್ ಆದಿತ್ಯರಾವ್ ನನ್ನು ಮಂಗಳೂರಿಗೆ ಕರೆ ತರಲಾಗಿದೆ. ಬುಧವಾರ ಸಂಜೆ ವಿಶೇಷ ವಿಮಾನದ ಮೂಲಕ ಬಾಂಬರ್ ಆದಿತ್ಯನನ್ನು ಮಂಗಳೂರಿಗೆ ಕರೆ ತರಲಾಯಿತು.

  

  

  

  

  

  

  

  

  

  

  

  

  

  ಎಸಿಪಿಗಳಾದ ಬೆಳ್ಳಿಯಪ್ಪ ಹಾಗೂ ವಿನಯ ಗಾಂವ್ಕರ್ ನೇತೃತ್ವದ ಪೊಲೀಸರ ತಂಡ ಆರೋಪಿಯನ್ನು ಬೆಂಗಳೂರಿನಿಂದ ಮಂಗಳೂರಿಗೆ ಕರೆ ತಂದಿದೆ. ಈ ತಂಡ ಬುಧವಾರ ಬೆಳಗ್ಗೆ ಸುದ್ದಿ ತಿಳಿಯುತ್ತಿದ್ದಂತೆ ಬೆಂಗಳೂರಿನತ್ತ ದೌಡಾಯಿಸಿದೆ. ಹಾಗೂ ಅಲ್ಲಿನ ಪೊಲೀಸರು ಆರೋಪಿ ಹಾಗೂ ಕಾಗದ ಪತ್ರಗಳ ಹಸ್ತಾಂತರದ ಬಳಿಕ ಆರೋಪಿಯನ್ನು ಮಂಗಳೂರಿಗೆ ಕರೆ ತರಲಾಗಿದೆ.

  ಇನ್ನು ಮಂಗಳೂರು ತಲುಪುತ್ತಿದ್ದಂತೆ ಪೊಲೀಸರು ಹೆಚ್ಚಿನ ಭದ್ರತೆಯನ್ನು ಒದಗಿಸಿ ಪಣಂಬೂರು ಠಾಣಾ ಪೊಲೀಸರಿಗೆ ಒಪ್ಪಿಸಿ ಠಾಣೆಗೆ ಕರೆದೊಯ್ದರು. ಮಾಧ್ಯಮದವರ ಕಣ್ಣು ತಪ್ಪಿಸಿ ಕರೆದೊಯ್ಯಲು ಪ್ರಯತ್ನಿಸಿದ ಪೊಲೀಸರು ಹೆಚ್ಚಿನ ಸಂಖ್ಯೆಯಲ್ಲಿ ಭದ್ರತೆ ಒದಗಿಸಿದ್ದರು.