ಬೆಳ್ತಂಗಡಿ : ಮಾರಕಾಸ್ತ್ರಗಳಿಂದ ಕಡಿದು ಓರ್ವನ ಬರ್ಬರ ಹತ್ಯೆ ಮಾಡಿದ ರೌಡಿಶೀಟರ್‌

•   Sat, Jan 25 2020 08:05:03 AM



• ಬೆಳ್ತಂಗಡಿ, ಜ 25 (Dajiworld News/MB) : ರೌಡಿ ಶೀಟರ್‌ ವ್ಯಕ್ತಿಯೋರ್ವ ರಮೇಶ್ ಯಾನೆ ನಾರಾಯಣ ಪಡಂಗಡಿ ಪೊಯ್ಯಗುಡ್ಡೆ (40) ಎಂಬವರನ್ನು ಮಾರಕಾಸ್ತ್ರಗಳಿಂದ ಕಡಿದು ಹತ್ಯೆ ಮಾಡಿದ ಘಟನೆ ಗುರುವಾಯನಕೆರೆ ಸಮೀಪ ನಾರಾವಿ ರಸ್ತೆಯ ಪೊಟ್ಟುಕೆರೆ ಎಂಬಲ್ಲಿ ಶುಕ್ರವಾರ ರಾತ್ರಿ ನಡೆದಿದೆ.

  

  ಹತ್ಯೆ ಮಾಡಿದ ಆರೋಪಿ ಗುರುವಾಯನಕೆರೆ ನಿವಾಸಿ ಅಣ್ಣು ಎಂದು ಹೇಳಲಾಗಿದ್ದು ಪೊಲೀಸರು ಆತನನ್ನು ಬಂಧನ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.

  ಶುಕ್ರವಾರ ರಾತ್ರಿ ಹೊತ್ತಲ್ಲಿ ಈರ್ವರು ಜೊತೆಗೆ ಮದ್ಯ ಸೇವೆನೆ ಮಾಡಿದ್ದು ಸುಮಾರು ರಾತ್ರಿ 9.30 ಗಂಟೆಗೆ ಆರೋಪಿ ಅಣ್ಣು ಮಾರಕಾಸ್ತ್ರದಿಂದ ನಾರಾಯಣ ಅವರನ್ನು ಕಡಿದು ಹತ್ಯೆ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ.

  ಈ ಕೃತ್ಯ ಪೂರ್ವ ದ್ವೇಷದಿಂದಾಗಿ ಮಾಡಲಾಗಿದೆ ಎಂದು ಪೊಲೀಸರು ಶಂಕೆಪಟ್ಟಿದ್ದಾರೆ.

  ಆರೋಪಿ ಅಣ್ಣು ಕಳೆದ ಹಲವು ವರ್ಷಗಳಿಂದ ಅನೇಕ ಪ್ರಕರಣಗಳಲ್ಲಿ ಜೈಲು ವಾಸ ಅನುಭವಿಸಿದ್ದು ಈತನನ್ನು ಬೆಳ್ತಂಗಡಿ ತಾಲೂಕಿನಿಂದ ಗಡಿಪಾರು ಮಾಡಲಾಗಿತ್ತು.

  ಹತ್ಯೆ ಮಾಡಿ ಪರಾರಿಯಾಗಲು ಆತ ಯತ್ನ ಮಾಡಿದ್ದು ಪೊಲೀಸರು ಆ ಕೂಡಲೇ ಆತನನ್ನು ಬಂಧನ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.

  ಈ ಕುರಿತು ಬೆಳ್ತಂಗಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.