ಹಿರಿಯಡ್ಕ: ಹಾವು ಕಚ್ಚಿ 9 ವರ್ಷದ ಬಾಲಕ ಸಾವು

•   Wed, Feb 05 2020 10:49:18 AM



• ಉಡುಪಿ, ಫೆ 5 (Daijiworld News/MSP): ಹಾವು ಕಚ್ಚಿ 9 ವರ್ಷದ ಬಾಲಕ ಸಾವನ್ನಪ್ಪಿದ ದಾರುಣ ಘಟನೆ ಪೆರ್ಡೂರು ಗ್ರಾಮದ ಹೆರ್ಡೆ ಎಂಬಲ್ಲಿ ನಡೆದಿದೆ. ಮೃತ ಬಾಲಕನನ್ನು ಹೆರ್ಡೆ ದರ್ಖಾಸು ನಿವಾಸಿ ರಾಜು ಶೆಟ್ಟಿ , ಗೀತಾ ಶೆಟ್ಟಿ ದಂಪತಿಯ ಪುತ್ರ ಅಭಿನವ (9) ಎಂದು ಗುರುತಿಸಲಾಗಿದೆ.

  

  ಫೆ.೩ ರಂದು ಶಾಲೆಗೆ ಹೋಗಿ ಸಂಜೆ ವಾಪಾಸು ಮನೆಗೆ ಬಂದಿದ್ದು, ಈ ವೇಳೆ ಪಕ್ಕದ ಮನೆಯ ನಾಯಿಗಳು ಕಚ್ಚಾಡುತ್ತಿದ್ದನ್ನು ನೋಡಿ ಅಭಿನವ್ ತನ್ನ ಅಣ್ಣನೊಂದಿಗೆ ಅಲ್ಲಿಗೆ ಹೋಗಿ ಸಂಜೆ 7ರ ವೇಳೆ ವಾಪಾಸು ಬಂದಾಗ ಅಂಗಳದಲ್ಲಿ ಯಾವುದೋ ವಿಷದ ಹಾವು ಅಭಿನವ್ ಗೆ ಕಚ್ಚಿದೆ. ತಕ್ಷಣ ಆತನನ್ನು ಮಣಿಪಾಲದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತದರೂ ಬಾಲಕ ಆದಾಗಲೇ ಮೃತಪಟ್ಟಿದ್ದಾನೆ ಎಂದು ವೈದ್ಯರು ಘೋಷಿಸಿದ್ದಾರೆ.

  ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.