ಮಂಗಳೂರು : ಬಸ್‌‌ ನಿಲ್ಲಿಸಿ ಬಡಿದಾಡಿಕೊಂಡ ಚಾಲಕರು

•   Wed, Feb 05 2020 11:15:30 AM



• ಮಂಗಳೂರು, ಫೆ.05 (Daijiworld News/PY): ಖಾಸಗಿ ಬಸ್ಸಿನ ಚಾಲಕರಿಬ್ಬರು ನಡುಬೀದಿಯಲ್ಲಿ ಬಸ್ ನಿಲ್ಲಿಸಿ ಹೊಡೆದಾಡಿಕೊಂಡ ಘಟನೆ ಮಂಗಳೂರಿನಲ್ಲಿ ನಡೆದಿದೆ.

  

  

  

  ಮಂಗಳೂರಿನಲ್ಲಿ ಖಾಸಗಿ ಬಸ್‌‌ಗಳ ಮಧ್ಯೆ ಟೈಮ್ ಕೀಪಿಂಗ್ ಹೆಸರಲ್ಲಿ ಗಲಾಟೆ ನಡೆಯುವುದು ಸಾಮಾನ್ಯವಾಗಿದೆ. ನಗರದ ಬೆಂದೂರ್‌‌ವೆಲ್ ಆಗ್ನೇಸ್ ಕಾಲೇಜಿನ ಎದುರಿನ ರಸ್ತೆ ಮಧ್ಯೆ ಬಸ್ ನಿಲ್ಲಿಸಿ ಎರಡೂ ಬಸ್‌ಗಳ ಚಾಲಕರು ಹೊಡೆದಾಡಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ವಾಹನ ದಟ್ಟಣೆಯಾಗಿದ್ದು ಇತರೇ ವಾಹನಗಳ ಚಾಲಕರು ದಬಾಯಿಸಿದ್ದಾರೆ. ಈ ಸಂದರ್ಭ ಕಾರು ಚಾಲಕನೊಬ್ಬ ಇಬ್ಬರನ್ನೂ ಎಳೆದು ಜಗಳ ಬಿಡಿಸಿದ್ದಲ್ಲದೆ, ರಸ್ತೆಯಿಂದ ಬಸ್ ತೆಗೆಯುವಂತೆ ದಬಾಯಿಸಿದ್ದಾನೆ. ಬಳಿಕ ಇಬ್ಬರೂ ಚಾಲಕರು ಬಸ್ ಚಾಲನೆ ಮಾಡಿದ್ದಾರೆ.

  ಆದರೆ, ಚಾಲಕರು ಹೊಡೆದಾಡುತ್ತಿದ್ದರೂ ಬಸ್ ನಿರ್ವಾಹಕರು ಮಾತ್ರ ನಿಂತು ನೋಡುತ್ತಿದ್ದರು. ಚಾಲಕರ ಹೊಡೆದಾಟವನ್ನು ಕಾರಿನಲ್ಲಿದ್ದ ಪ್ರಯಾಣಿಕರು ಮೊಬೈಲಿನಲ್ಲಿ ಸೆರೆ ಹಿಡಿದಿದ್ದು, ಡ್ರೈವರ್‌‌ಗಳ ರಂಪಾಟ ಬೀದಿಗೆ ಬಂದಿದೆ.