ಚಿನ್ನ ಸಾಗಾಟ-ಕಾಸರಗೋಡಿನ ವ್ಯಕ್ತಿ ಸಹಿತ ಇಬ್ಬರ ಬಂಧನ

•   Thu, Feb 13 2020 08:21:55 AM



• ಕಾಸರಗೋಡು, ಫೆ.13 (DaijiworldNews/PY): ಕೊಚ್ಚಿ ನೆಡುಂಬಾಶ್ಶೇರಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಂಸ್‌‌‌‌‌ ಅಧಿಕಾರಿಗಳು ನಡೆಸಿದ ಕಾರ್ಯಾಚರಣೆಯಲ್ಲಿ 1.12 ಕೋ.ರೂ.ಮೌಲ್ಯದ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಸಂಬಂಧ ಕಾಸರಗೋಡಿನ ಮುತ್ತಲಿಬ್‌‌ ಹಾಗೂ ಆಲಪ್ಪುಳದ ಹರಿದಾಸ್‌‌‌‌‌ನನ್ನು ಬಂಧಿಸಲಾಗಿದೆ.

  

  ಮುತ್ತಲಿಬ್‌ನಿಂದ 16.2 ಲಕ್ಷ.ರೂ ಮೌಲ್ಯದ 464 ಗ್ರಾಂ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಚಿನ್ನವನ್ನು ಕಾರ್ಗೋ ಮೂಲಕ ಕಳುಹಿಸಿಕೊಟ್ಟ ಬ್ಯಾಗ್‌‌‌ನೊಳಗಿದ್ದ ಮನೆ ಉಪಕರಣಗಳ ಮಧ್ಯೆ ಬಚ್ಚಿಡಲಾಗಿತ್ತು. ಹರಿದಾಸ್‌ನಿಂದ 85 ಲಕ್ಷ ರೂ ಮೌಲ್ಯದ 2,884 ಕಿಲೋ ಗ್ರಾಂ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ.