ಸುಬ್ರಹ್ಮಣ್ಯ: ಮರದ ರೆಂಬೆ ಕಡಿಯುತ್ತಿದ್ದ ವೇಳೆ ಹಗ್ಗ ಕುತ್ತಿಗೆಗೆ ಸಿಲುಕಿ ಯುವಕ ಸಾವು

•   Thu, Feb 13 2020 08:38:02 PM



• ಸುಬ್ರಹ್ಮಣ್ಯ, ಫೆ 13 (DaijiworldNews/SM): ಇಲ್ಲಿನ ನೂಚಿಲ ಎಂಬಲ್ಲಿ ಜಯರಾಮ ರಾವ್ ಎಂಬವರ ಮನೆ ಎದುರುಗಡೆಯ ಗುಡ್ಡದಲ್ಲಿರುವ ಮರದ ಕೊಂಬೆಯನ್ನು ಕಡಿಯುತ್ತಿದ್ದಾಗ ಯುವಕನೋರ್ವ ಹಗ್ಗ ಸಿಲುಕಿ ಮೃತಪಟ್ಟ ದಾರುಣ ಘಟನೆ ನಡೆದಿದೆ.

  

  ಏನೆಕಲ್ ಸಮೀಪದ ಆರಂಪಾಡಿಯ ಪೂವಪ್ಪಗೌಡರ ಪುತ್ರ ಸುನೀಲ್ ಅರಂಪಾಡಿ ಎಂಬವರು ಮೃತ ಯುವಕರಾಗಿದ್ದಾರೆ. ಮರದ ಕೊಂಬೆ ಕಡಿಯುತ್ತಿದ್ದ ಸುನೀಲ್ ಹಗ್ಗ ಸಹಿತ ಮರಕ್ಕೆ ಸಿಕ್ಕಿಹಾಕಿಕೊಂಡಿದ್ದಾರೆ. ಈ ಸಂದರ್ಭ ಹಗ್ಗ ಅವರಿಗೆ ಸುತ್ತಿಕೊಂಡು ಮೃತಪಟ್ಟ ಬಗ್ಗೆ ವರದಿಯಾಗಿದೆ. ಸ್ಥಳೀಯರ ಸಹಾಯದಿಂದ ಬೃಹತ್ ಮರದಿಂದ ಮೃತದೇಹವನ್ನು ಕೆಳಗಡೆ ಇಳಿಸಲಾಯಿತು.

  ಘಟನಾ ಸ್ಥಳಕ್ಕೆ ಸುಬ್ರಹ್ಮಣ್ಯ ಠಾಣಾ ಪೊಲೀಸರು ಆಗಮಿಸಿದ್ದು ಮಾಹಿತಿ ಪಡೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.