ಸವಣೂರು: ಬಾಲಕಿ ಮೇಲೆ ಅತ್ಯಾಚಾರ - ಆರೋಪಿಯ ಬಂಧನ

•   Sun, Feb 16 2020 09:47:34 AM



• ಸವಣೂರು, ಫೆ 16 (Daijiworld News/MB) : ಐದನೇ ತರಗತಿಯ ವಿದ್ಯಾರ್ಥಿನಿಗೆ ಅತ್ಯಾಚಾರ ಮಾಡಲು ಯತ್ನಿಸಿದ ಘಟನೆ ಫೆ. 14 ರಂದು ನಡೆದಿದ್ದು ಆರೋಪಿ ಕುದ್ಮಾರು ರಸ್ತೆ ಬದಿಯಲ್ಲಿ ಗೂಡಂಗಡಿ ನಡೆಸುತ್ತಿದ್ದ ಅಬ್ದುಲ್ಲ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ಹಾಗೆಯೇ ಇದೇ ಸಂದರ್ಭದಲ್ಲಿ ಶುಕ್ರವಾರ ರಾತ್ರಿ ಆರೋಪಿಯ ಅಂಗಡಿಗೆ ಬೆಂಕಿ ಹಚ್ಚಲಾಗಿದ್ದು ಈ ಸಂಬಂಧ ಮೂವರನ್ನು ಪೊಲೀಸರು ಬಂಧನ ಮಾಡಿದ್ದಾರೆ.

  

  ಬಂಧಿತ ಆರೋಪಿ ಅಬ್ದುಲ್ಲನು ಎರಡು ವಿವಾಹವಾಗಿದ್ದು 6 ಮಕ್ಕಳಿದ್ದಾರೆ.

  ಆರೋಪಿ ವಿರುದ್ಧವಾಗಿ ಆಕ್ರೋಶಗೋಡ ಕೆಲವರು ಫೆ.14 ರಂದು ರಾತ್ರಿ ಆತನ ಅಂಗಡಿಗೆ ಬೆಂಕಿ ಹಾಕಿದ್ದು ಅಂಗಡಿ ಸಂಪೂರ್ಣವಾಗಿ ಭಸ್ಮವಾಗಿದೆ.

  ಈ ಪ್ರಕರಣಕ್ಕೆ ಸಂಬಂಧಿಸಿ ಕೂಡಲೇ ಪುತ್ತೂರು ಡಿವೈಎಸ್‌ಪಿ ದಿನಕರ್‌ ಶೆಟ್ಟಿ ಮಾರ್ಗದರ್ಶನದಲ್ಲಿ ಸುಳ್ಯ ಸಿಐ ನವೀನ್‌ ಚಂದ್ರ ಜೋಗಿ ನೇತೃತ್ವದಲ್ಲಿ ಬೆಳ್ಳಾರೆ ಠಾಣೆಯ ಪ್ರಭಾರ ಎಸ್‌ಐ ಆಂಜನೇಯ ರೆಡ್ಡಿ ಹಾಗೂ ತಂಡ ಕಾರ್ಯಚರಣೆ ನಡೆಸಿ ಬರೆಪ್ಪಾಡಿಯ ಪ್ರವೀಣ್ ಹಾಗೂ ಸುಧೀರ್‌ ಎಂಬವರನ್ನು ಬಂಧನ ಮಾಡಿದ್ದಾರೆ.