ಮಂಗಳೂರು : ಮಹಿಳೆಯ ಮಂಗಳಸೂತ್ರ ಕಸಿದು ಪರಾರಿಯಾದ ಖದೀಮರು

•   Thu, Feb 20 2020 07:02:27 PM



• ಮಂಗಳೂರು, ಫೆ.20 (DaijiworldNews/PY): ಇಲ್ಲಿನ ಪದವಿನಂಗಡಿಯ ಆಪಲ್‌‌ ಮಾರ್ಟ್‌ ಬಳಿ ಅಪರಿಚಿತರು ಮಹಿಳೆಯೋರ್ವರ ಮಂಗಳಸೂತ್ರ ಕಸಿದುಕೊಂಡು ಪರಾರಿಯಾದ ಘಟನೆ ಗುರುವಾರ ನಡೆದಿದೆ.

  

  

  

  ಪದವಿನಂಗಡಿಯ ಕೊರಗಜ್ಜನ ಕಟ್ಟೆಯ ಹಿಂಬದಿ ಮನೆಯ ರಾಜೇಶ್ವರಿ ಎಂಬುವವರು ತಮ್ಮ ಮಗಳನ್ನು ಆಪಲ್‌‌ ಮಾರ್ಟ್ ಬಳಿ ಟ್ಯೂಷನ್‌‌ ಕ್ಲಾಸ್‌ಗೆ ಬಿಡಲು ತೆರಳಿ ವಾಪಾಸಾಗುವ ಸಂದರ್ಭ ಪಲ್ಸರ್‌‌ ಬೈಕ್‌ನಲ್ಲಿ ಬಂದ ಇಬ್ಬರು ಅಪರಿಚಿತರು ರಾಜೇಶ್ವರಿ ಅವರ ಕುತ್ತಿಗೆಯಲ್ಲಿದ್ದ ಮಂಗಳಸೂತ್ರವನ್ನು ಕಸಿದುಕೊಂಡು ಪರಾರಿಯಾಗಿದ್ದಾರೆ.

  ಸರಗಳ್ಳರಿಗೆ ಸ್ಥಳೀಯರು ಬಕೆಟ್‌‌ನಿಂದ ಹೊಡೆದರೂ ಕೂಡಾ ಅಲ್ಲಿಂದ ಪರಾರಿಯಾಗಿದ್ದಾರೆ. ಇಬ್ಬರು ವ್ಯಕ್ತಿಗಳು ಹೆಲ್ಮೆಟ್‌‌ ಧರಿಸಿದ್ದರು, ನಂಬರ್‌ ಪ್ಲೇಟ್‌‌ ಇಲ್ಲದ ಬೈಕ್‌ನಲ್ಲಿ ತಿರುಗಾಡುತ್ತಿದ್ದರು ಎನ್ನಲಾಗಿದೆ.

  ರಾಜೇಶ್ವರಿಯವರ ಪತಿ ಕೆಲವು ತಿಂಗಳುಗಳ ಹಿಂದೆ ನಿಧನರಾಗಿದ್ದರು. ಅವರು 16 ಗ್ರಾಂ ತೂಕದ ಮಂಗಳಸೂತ್ರ ಧರಿಸಿದ್ದರು.