ಕಾರ್ಕಳ: ಅಪರಿಚಿತ ಕಾರು ಡಿಕ್ಕಿ; ಪಾದಚಾರಿ ಗಂಭೀರ

•   Sun, Feb 23 2020 08:34:27 PM



• ಕಾರ್ಕಳ, ಫೆ 23 (DaijiworldNews/SM): ಕುಕ್ಕುಂದೂರು ಶ್ರೀ ದುರ್ಗಾ ರಿಯಾ ಆರ್ಟ್ಸ್ ಎದುರು ಸಾರ್ವಜನಿಕ ರಸ್ತೆಯಲ್ಲಿ ಅಪರಿಚಿತ ಕಾರೊಂದು ಡಿಕ್ಕಿ ಹೊಡೆದ ಪರಿಣಾಮವಾಗಿ ಪಾದಚಾರಿಯೊಬ್ಬರು ಗಂಭೀರ ಸ್ವರೂಪದಲ್ಲಿ ಗಾಯಗೊಂಡ ಘಟನೆ ಸಂಭವಿಸಿದೆ. ಉಡುಪಿಯ ಅಲೆವೂರು ನಿವಾಸಿ ಕೃಷ್ಣ ಶೆಟ್ಟಿ(25) ಘಟನೆಯಲ್ಲಿ ಗಾಯಗೊಂಡವರು.

  

  ಜೋಡುರಸ್ತೆ ಕಡೆಯಿಂದ ಹಿರ್ಗಾನ ಕಡೆಗೆ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಅದೇ ದಿಕ್ಕಿನಿಂದ ಅಂದರೆ ಜೋಡುರಸ್ತೆ ಕಡೆಯಿಂದ ಹಿರ್ಗಾನ ಕಡೆಗೆ ನೊಂದಣಿ ನಂಬರ್ ತಿಳಿಯದ ಕಾರನ್ನು ಅದರ ಚಾಲಕನು ಅತೀವೇಗ ಹಾಗೂ ಅಜಾಗರುಕತೆಯಿಂದ ಚಲಾಯಿಸಿಕೊಂಡು ಬಂದು ಕೃಷ್ಣ ಶೆಟ್ಟಿಯವರಿಗೆ ಡಿಕ್ಕಿಹೊಡೆದಿದೆ.

  ಪರಿಣಾಮ ತಲೆ, ಮುಖ, ಕಾಲಿಗೆ ಗಂಭೀರ ಗಾಯಗಳಾಗಿವೆ ಎಂದು ತಿಳಿದುಬಂದಿದೆ. ಅಪಘಾತಕ್ಕೆ ಕಾರಣವಾದ ಕಾರು ಘಟನೆಯ ಬಳಿಕ ಸ್ಥಳದಿಂದ ಪರಾರಿಯಾಗಿದೆ ಎಂದು ತಿಳಿದುಬಂದಿದೆ.

  ಕಾರ್ಕಳ ನಗರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.