ಕಡಬ: ನೀರುಪಾಲಾಗಿದ್ದ ಯುವಕನ ಮೃತದೇಹ ಕುಮಾರಧಾರ ನದಿಯಲ್ಲಿ ಪತ್ತೆ

•   Thu, Feb 27 2020 10:51:03 PM



• ಕಡಬ, ಫೆ 27 (DaijiworldNews/SM): ಸ್ನೇಹಿತರ ಜೊತೆ ಸ್ನಾನಕ್ಕೆ ತೆರಳಿದ್ದ ಯುವಕನೋರ್ವ ನೀರು ಪಾಲಾದ ಘಟನೆ ಕಡಬದ ಕುಮಾರಧಾರ ನದಿಯಲ್ಲಿ ನಡೆದಿದ್ದು, ಯುವಕನ ಮೃತದೇಹ ಪತ್ತೆಯಾಗಿದೆ.

  

  ನೀರುಪಾಲಾಗಿ ಮೃತಪಟ್ಟ ಯುವಕನನ್ನು ಕೊಯಿಲ ಜನತಾ ಕಾಲೋನಿ ನಿವಾಸಿ ಅರ್ಫಾದ್ ಎಂದು ಗುರುತಿಸಲಾಗಿದೆ. ಅರ್ಫಾದ್ ತನ್ನ ಸ್ನೇಹಿತರೊಂದಿಗೆ ಸ್ನಾನಕ್ಕೆಂದು ಕೊಯಿಲ ಗ್ರಾಮದ ಸುದೆಂಗಳ ಸಮೀಪದ ಕುಮಾರಧಾರ ನದಿಗಿಳಿದಿದ್ದ. ಬಳಿಕ ಆತ ಕಣ್ಮರೆಯಾಗಿದ್ದ. ಸ್ಥಳೀಯ ಈಜುಗಾರರು, ಕಡಬ ಅಗ್ನಿಶಾಮಕ ದಳ ಹಾಗೂ ಕಡಬ ಪೊಲೀಸರ ನಿರಂತರ ಕಾರ್ಯಾಚರಣೆ ಬಳಿಕ ಯುವಕನ ಮೃತದೇಹ ನದಿಯಲ್ಲಿ ಪತ್ತೆಯಾಗಿದೆ.

  ಈ ಬಗ್ಗೆ ಕಡಬ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.