ದುಬೈನಲ್ಲಿ ವಾಮಂಜೂರಿನ ಯುವಕ ಉಲ್ಲಾಸ್‌ ಮಿನೇಜೆಸ್‌ ಹೃದಯಾಘಾತದಿಂದ ಮೃತ್ಯು

•   Sat, Feb 29 2020 10:04:15 AM



• ಮಂಗಳೂರು, ಫೆ 28 (Daijiworld News/MB) : ವಾಮಂಜೂರಿನ 28 ವರ್ಷದ ಯುವಕ ಉಲ್ಲಾಸ್‌ ಮಿನೇಜೆಸ್‌ ದುಬೈನಲ್ಲಿ ಹೃದಯಾಘಾತವಾಗಿ ಮೃತಪಟ್ಟ ಘಟನೆ ಶುಕ್ರವಾರ ನಡೆದಿದೆ.

  

  

  

  

  

  

  ಉತ್ತಮ ಆಟಗಾರನಾಗಿರುವ ಉಲ್ಲಾಸ್‌ ಕಳೆದ ಡಿಸೆಂಬರ್‌ನಲ್ಲಿ ಕೆನಿಟಾ ಎಂಬ ಯುವತಿಯನ್ನು ವಿವಾಹವಾಗಿದ್ದರು. ಮಂಗಳೂರಿನ ಈ ಯುವಕ ದುಬೈನಲ್ಲಿ ಹಲವಾರು ಕ್ರೀಡೆಗಳಲ್ಲಿ ಪಾಲ್ಗೊಂಡಿದ್ದಾರೆ.

  ಫೆ. 8 ರಂದು ಅರಬ್‌ನಲ್ಲಿ ಆಯೋಜಿಸಿದ್ದ ತ್ರೋಬಾಲ್‌ ಸ್ಪರ್ಧೆಯ ಮೊದಲ ಆವೃತ್ತಿಯನ್ನು ಗೆದ್ದ ತಂಡದಲ್ಲಿ ಇವರು ಕೂಡಾ ಓರ್ವರು. ಹಾಗೆಯೇ ಇವರು ಉತ್ತಮ ಕಲಾವಿದರಾಗಿದ್ದು ಹಲವಾರು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಾರೆ.

  ಅವರ ಮೃತದೇಹ ದುಬೈನಿಂದ ಬಂದ ಬಳಿಕ ಅವರ ನಿವಾಸದಲ್ಲಿ ಅಂತಿಮ ವಿಧಿವಿದಾನ ನಡೆಸಲಾಗುತ್ತದೆ.