ಮಂಗಳೂರು: ಬೆಂಜನಪದವು ಕಾಲೇಜಿನ ಬಳಿ ಆಕಸ್ಮಿಕ ಬೆಂಕಿ, ಸ್ಥಳೀಯರಲ್ಲಿ ಆತಂಕ

•   Wed, Mar 04 2020 07:06:42 PM



• ಮಂಗಳೂರು, ಮಾ.04 (DaijiworldNews/PY) : ಆಕಸ್ಮಿಕ ಬೆಂಕಿಯಿಂದ ಅರಣ್ಯ ಪ್ರದೇಶವು ಬೆಂಕಿಗಾಹುತಿಯಾದ ಘಟನೆ ನಗರ ಹೊರವಲಯದ ಬೆಂಜನಪದವಿನ ಖಾಸಗಿ ಎಂಜಿನಿಯರಿಂಗ್ ಕಾಲೇಜಿನ ಪರಿಸರದಲ್ಲಿ ಬುಧವಾರ ಮಧ್ಯಾಹ್ನದ ಸುಮಾರಿಗೆ ನಡೆದಿದೆ.

  

  

  ಆಕಸ್ಮಿಕ ಬೆಂಕಿಯಿಂದ ಭಾರೀ ಗಿಡಮರಗಳು ಸುಟ್ಟು ಕರಕಲಾಗಿದೆ. ಅದರೊಳಗೆ ಇದ್ದ ಜೈವಿಕ ಕೀಟಗಳು, ಪಕ್ಷಿಗಳು ಕೂಡಾ ಬೆಂಕಿಗಾಹುತಿಯಾಗಿದೆ. ಬೆಂಕಿಯ ಕೆನ್ನಾಲಿಗೆ ವ್ಯಾಪಕವಾಗಿ ಹಬ್ಬುತ್ತಿದ್ದು, ಬೆಂಕಿ ನಂದಿಸಲು ಸ್ಥಳೀಯರು, ಅರಣ್ಯ ಇಲಾಖೆ ಸಿಬ್ಬಂದಿಗಳು, ಅಗ್ನಿಶಾಮಕದಳದವರು ಹರಸಾಹಸ ಪಟ್ಟರು.

  ಬೆಂಕಿಯಿಂದ ಸಾಕಷ್ಟು ಅರಣ್ಯ ಪ್ರದೇಶ ನಾಶವಾಗಿದೆ. ಆಕಸ್ಮಿಕ ಬೆಂಕಿಯೋ ಅಥವಾ ಕಿಡಿಗೇಡಿಗಳು ಉದ್ದೇಶಪೂರ್ವಕವಾಗಿ ಹಚ್ಚಿದ ಬೆಂಕಿಯೋ ಎಂದು ತನಿಖೆಯಿಂದಷ್ಟೇ ತಿಳಿದು ಬರಬೇಕಿದೆ.