ಕಾಸರಗೋಡು : ಭಾರೀ ಮೌಲ್ಯದ ಮಾದಕ ವಸ್ತು ಸಾಗಾಟ-ಇಬ್ಬರು ಆರೋಪಿಗಳ ಬಂಧನ

•   Wed, Mar 11 2020 08:42:29 PM



• ಕಾಸರಗೋಡು, ಮಾ.11 (DaijiworldNews/SM): ಭಾರಿ ಮೌಲ್ಯದ ಮಾದಕ ವಸ್ತು ಸಹಿತ ಇಬ್ಬರನ್ನು ಕಾಸರಗೋಡು ನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು ಸೂರ್ಲುವಿನ ಆಸಿಫ್ ನಿಹಾಲ್(26) ಮತ್ತು ನೆಲ್ಲಿಕುಂಜೆಯ ಎನ್.ಎಂ ಅಮೀರ್ ಸುಹೈಲ್(28) ಎಂದು ಗುರುತಿಸಲಾಗಿದೆ.

  

  ಮಾದಕ ವಸ್ತು ಸಾಗಾಟದ ಬಗ್ಗೆ  ದೊರೆತ ಖಚಿತ ಮಾಹಿತಿಯಂತೆ ದಾಳಿ ನಡೆಸಿದ ಪೊಲೀಸರು, ನೆಲ್ಲಿಕುಂಜೆಯಿಂದ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. ಬಂಧಿತರಿಂದ ಕೃತ್ಯಕ್ಕೆ ಬಳಸಲಾದ ಸ್ಕೂಟರನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ಈ ಬಗ್ಗೆ ಕಾಸರಗೋಡು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ