ಅಶ್ರಫ್‌ ಉಳ್ಳಾಲದಿಂದ ಸ್ಪರ್ಧಿಸಿದ್ರೆ ನಾಮಪತ್ರ ಶುಲ್ಕ ಕಾರ್ಯಕರ್ತರೇ ಭರಿಸಲಿದ್ದಾರೆ- ಸಚಿವ ಖಾದರ್ ವ್ಯಂಗ್ಯ

•   Sun, Feb 18 2018 01:47:31 PM



• ಮಂಗಳೂರು, ಫೆ 18: ಮಾಜಿ ಮೇಯರ್‌ ಕೆ. ಅಶ್ರಫ್ ಅವರು ಉಳ್ಳಾಲದಿಂದಲೇ ಸ್ಪರ್ಧಿಸಬೇಕು. ಅವರನ್ನು ಸ್ವಾಗತಿಸುತ್ತಿವೆ. ಅವರ ನಾಮಪತ್ರದ ಶುಲ್ಕವನ್ನು ನಮ್ಮ ಕಾರ್ಯಕರ್ತರೇ ಭರಿಸಲಿದ್ದಾರೆ ಎಂದು ಸಚಿವ ಯು.ಟಿ. ಖಾದರ್ ವ್ಯಂಗ್ಯವಾಡಿದ್ದಾರೆ. ಅವರು ಫೆ 16ರ ಶನಿವಾರ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿ ಅಶ್ರಫ್‌ ಅವರು ಮಂಗಳೂರು ದಕ್ಷಿಣ ಕ್ಷೇತ್ರದಿಂದ ಸ್ಪರ್ಧಿಸುವುದು ಬೇಡ. ನಮ್ಮ ಕ್ಷೇತ್ರಕ್ಕೆ ಬರಲಿ ಅಶ್ರಫ್ ಅವರಿಗೆ ಭವ್ಯ ಸ್ವಾಗತ ನೀಡುತ್ತೇವೆ. ಮಂಗಳೂರು ದಕ್ಷಿಣ ಶಾಸಕ ಜೆ. ಆರ್. ಲೋಬೋ ಕ್ಷೇತ್ರದಲ್ಲಿ ಸ್ಪರ್ಧಿಸಿ ಸುಮ್ಮನೆ ಅವರಿಗೆ ತೊಂದರೆ ಕೊಡುವುದು ಬೇಡ. ಅಶ್ರಫ್ ಗೆ ಚುನಾವಣೆ ‌ನಿಲ್ಲಲ್ಲು‌ ಡೆಪೋಸಿಟ್ ಅಮೌಂಟ್ ಕೂಡಾ ನಾವೇ ಕೊಡುತ್ತೇವೆ.ಅವರಿಗೆ ಕ್ಷೇತ್ರದ ಹಳ್ಳಿಗಳ ಪರಿಚಯ ಇಲ್ಲದೇ ಇದ್ದರೆ, ನಮ್ಮ ಕಾರ್ಯಕರ್ತರೇ ತೋರಿಸಿಕೊಡಲಿದ್ದಾರೆ ಎಂದು ವ್ಯಂಗ್ಯವಾಡಿದರು.