ಕೋಟ: ರಂಗೋಲಿ ಹಾಕುತ್ತಿದ್ದ ಮಹಿಳೆಗೆ ಬೈಕ್‌ ಡಿಕ್ಕಿ - ಸವಾರ ಮೃತ್ಯು

•   Thu, Mar 19 2020 10:16:40 AM



• ಕೋಟ, ಮಾ.19 (Daijiworld News/MB) : ಜಾತ್ರೆಯಿದ್ದ ಕಾರಣದಿಂದಾಗಿ ರಸ್ತೆಯಲ್ಲಿ ರಂಗೋಲಿ ಹಾಕುತ್ತಿದ್ದ ಮಹಿಳೆಗೆ ಬೈಕ್‌ ಡಿಕ್ಕಿಯಾಗಿ ಸವಾರ ಮೃತಪಟ್ಟ ಘಟನೆ ಬುಧವಾರ ರಾತ್ರಿ ವಡ್ಡರ್ಸೆಯಲ್ಲಿ ನಡೆದಿದೆ.

  

  ಬೇಳೂರು ದೇಲಟ್ಟು ನಿವಾಸಿ ಉದಯ ಪೂಜಾರಿ (40) ಮೃತ ವ್ಯಕ್ತಿ. ಮಹಿಳೆ ಗೀತಾ ಭಟ್‌ (35) ಗಂಭೀರ ಗಾಯಗೊಂಡಿದ್ದಾರೆ.

  ಇಲ್ಲಿನ ಮಹಾಲಿಂಗೇಶ್ವರ ಜಾತ್ರೆ ಪ್ರಯುಕ್ತ ಊರಿನ ಕಟ್ಟೆಪೂಜೆಗಾಗಿ ಆಗಮಿಸುವ ದೇವರ ಉತ್ಸವ ಮೂರ್ತಿಯನ್ನು ಸ್ವಾಗತಿಸುವ ಸಲುವಾಗಿ ಕೋಟ- ಬನ್ನಾಡಿ ಜಿಲ್ಲಾ ಮುಖ್ಯರಸ್ತೆಯಲ್ಲಿ ರಂಗೋಲಿ ಹಾಕುತ್ತಿದ್ದ ಗೀತಾ ಭಟ್‌ ಅವರಿಗೆ ಕೋಟದಿಂದ ಮಧುವನ ಕಡೆಗೆ ಸಂಚಾರ ಮಾಡುತ್ತಿದ್ದ ಬೈಕ್‌ ಡಿಕ್ಕಿಯಾಗಿದೆ.

  ಬೈಕ್‌ ಡಿಕ್ಕಿಯಾದ ಪರಿಣಾಮದಿಂದಾಗಿ ಉದಯ ಪೂಜಾರಿ ರಸ್ತೆಗೆ ಬಿದ್ದು ಗಂಭೀರ ಗಾಯಗೊಂಡಿದ್ದು ಆಸ್ಪತ್ರೆಗೆ ಸಾಗಿಸುವ ಸಂದರ್ಭದಲ್ಲಿ ಮೃತಪಟ್ಟಿದ್ದಾರೆ. ಗಂಭೀರವಾಗಿ ಗಾಯಗೊಂಡ ಮಹಿಳೆಯನ್ನು ಮಣಿಪಾಲದ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

  ಈ ಕುರಿತಾಗಿ ಕೋಟ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.