ಕೋಯಿಕ್ಕೋಡ್ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿದ್ದ ಕಾಸರಗೋಡು ಸೋಂಕಿತ

•   Fri, Mar 20 2020 10:22:39 AM



• ಕಾಸರಗೋಡು, ಮಾ 20 ( Daijiworld News/MSP): ಕಾಸರಗೋಡು ಜಿಲ್ಲೆಯಲ್ಲಿ ಮತ್ತೋರ್ವನಲ್ಲಿ ಕೊರೊನ ದೃಢವಾಗುವ ಮೂಲಕ ಕೇರಳದಲ್ಲಿ ಸೋಂಕಿತರ ಸಂಖ್ಯೆ ೨೫ಕ್ಕೆ ಏರಿದೆ. ಗುರುವಾರ ಪತ್ತೆಯಾದ ಸೋಂಕಿತ ಕಾಸರಗೋಡು ನಗರ ಹೊರವಲದವನೆಂದು ತಿಳಿದು ಬಂದಿದ್ದು , 47 ವರ್ಷದ ಇವರು ಮಾರ್ಚ್ 12 ರಂದು ಬೆಳಿಗ್ಗೆ ದುಬಾಯಿ ಯಿಂದ ಕಲ್ಲಿಕೋಟೆ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿದ್ದು , ಅಲ್ಲಿಂದ ಬೆಳಗ್ಗೆ 8 ಗಂಟೆಗೆ ಮಾವೆಲಿ ಎಕ್ಸ್ ಪ್ರೆಸ್ ನ ರೈಲಿನ ಎಸ್ 9 ಕಂಪಾರ್ಟ್ ಮೆಂಟ್ ನಲ್ಲಿ ಕಾಸರಗೋಡಿಗೆ ಪ್ರಯಾಣಿಸಿದ್ದರು .

  

  ಮಾರ್ಚ್ 17 ರಂದು, ಶೀತ ಜ್ವರ ಬಾಧಿಸಿದ್ದರಿಂದ ಕಾಸರಗೋಡು ಜನರಲ್ ಆಸ್ಪತ್ರೆಯಲ್ಲಿ ತಪಾಸಣೆಗೆ ಒಳಗಾಗಿದ್ದರು. ಇವರ ರಕ್ತದ ಮಾದರಿ ಯನ್ನು ಆಲಪ್ಪುಯದ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು .ಬಳಿಕ ಐಸೋಲೇಷನ್ ವಾರ್ಡ್ ಗೆ ಸೇರಿಸಲಾಗಿತ್ತು . ವರದಿಯಲ್ಲಿ ಕೊರೊನಾ ಸೋಂಕು ದೃಡವಾಗಿತ್ತು.

  12 ರಿಂದ ಇವರು ಹಲವೆಡೆ ತೆರಳಿದ್ದು , ಈ ಬಗ್ಗೆ ಆರೋಗ್ಯಾಧಿಕಾರಿಗಳು ಮಾಹಿತಿ ಕಲೆ ಹಾಕುತ್ತಿದ್ದಾರೆ ಎಂದು ಜಿಲ್ಲಾ ವೈದ್ಯಾಧಿಕಾರಿ ಡಾ| ಎ ವಿ ರಾಮದಾಸ್ ತಿಳಿಸಿದ್ದಾರೆ.