ದೇರಳಕಟ್ಟೆ: ವೈನ್‌ ಶಾಪ್‌ಗೆ ನುಗ್ಗಿ ಅಪಾರ ಮೌಲ್ಯದ ಮದ್ಯ ಕಳವು

•   Fri, Apr 03 2020 11:01:29 AM



• ಕೊಣಾಜೆ, ಎ.03 (DaijiworldNews/PY) : ದೇರಳಕಟ್ಟೆ ಸಮೀಪದ ಕುಕ್ಕುದಕಟ್ಟೆ ವೈನ್‌ ಶಾಪ್‌ವೊಂದಕ್ಕೆ ಕಳ್ಳರು ನುಗ್ಗಿ ಅಪಾರ ಮೌಲ್ಯದ ಮದ್ಯವನ್ನು ದೋಚಿರುವ ಘಟನೆ ಶುಕ್ರವಾರ ಬೆಳಗ್ಗೆ ಬೆಳಕಿಗೆ ಬಂದಿದೆ.

  

  

  

  

  

  

  

  ಕುಕ್ಕುದಕಟ್ಟೆಯ ಎಂಎಸ್‌ಐಎಲ್‌ ವೈನ್‌ ಶಾಪ್‌ಗೆ ನುಗ್ಗಿದ ಕಳ್ಳರು ನುಗ್ಗಿ ಕಳವು ಮಾಡಿದ್ದು, ಅಲ್ಲಿದ್ದ ಸಿಸಿ ಕ್ಯಾಮರಾದ ಡಿವಿಆರ್‌ ಅನ್ನು ಕೂಡಾ ಕಳವುಗೈದಿದ್ದಾರೆ ಎಂದು ತಿಳಿದು ಬಂದಿದೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ಪರಿಶೀಲನೆ ನಡೆಸುತ್ತಿದ್ದಾರೆ. ಮದ್ಯದಂಗಡಿಗಳನ್ನು ಕಳೆದ ಹಲವಾರು ದಿನಗಳಿಂದ ಲಾಕ್‌ಡೌನ್‌ ಹಿನ್ನೆಲೆ ಮುಚ್ಚಲಾಗಿತ್ತು. ಈ ನಡುವೆ ಹಲವ ಕಡೆ ಮದ್ಯಪ್ರಿಯರು ಆತ್ಮಹತ್ಯೆ ಮಾಡಿಕೊಳ್ಳುತ್ತಿರುವ ಘಟನೆಗಳು ನಡೆಯುತ್ತಿದ್ದರೆ, ಹಲವು ಕಡೆ ಮದ್ಯದಂಗಡಿಗಳಿಗೆ ನುಗ್ಗಿ ಮದ್ಯವನ್ನು ಲೂಟಿ ಮಾಡುತ್ತಿರುವ ಪ್ರಕರಣಗಳು ನಡೆಯುತ್ತಿವೆ.

  ಕಳವು ನಡೆಸಿದ ಸಂದರ್ಭ ಕಳ್ಳರು ಬೆಲೆ ಬಾಳುವ ಮೌಲ್ಯದ ಮದ್ಯವನ್ನು ಅಲ್ಲೇ ಬಿಟ್ಟು ಕಡಿಮೆ ಬೆಲೆಯ ಮದ್ಯವನ್ನು ಕಳವುಗೈಯ್ದಿದ್ದಾರೆ ಎಂದು ತಿಳಿದುಬಂದಿದೆ.