ಬೈಂದೂರು : ಲಾರಿ ಪಲ್ಟಿ - ಕ್ಲೀನರ್‌ ದಾರುಣ ಸಾವು

•   Sat, Apr 04 2020 09:25:55 AM



• ಬೈಂದೂರು, ಎ.04 (Daijiworld News/MB) : ಇನ್ಸುಲೇಟರ್‌ ಲಾರಿಯೊಂದು ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾದ ಪರಿಣಾಮ ಕ್ಲೀನರ್‌ ಸಾವನ್ನಪ್ಪಿದ ಘಟನೆ ಪಡುವರಿ ಗ್ರಾಂದ ಒತ್ತೆನೆಣೆ ತಿರುವಿನಲ್ಲಿ ಶುಕ್ರವಾರ ಅಪರಾಹ್ನ ನಡೆದಿದೆ.

  

  ಮೃತ ಯುವಕನನ್ನು ಕೋಡಿ ನಿವಾಸಿ ಅಹ್ಮದ್‌ ಹಾಜಿ ಪುತ್ರ ಇರ್ಫಾನ್‌ (25) ಎಂದು ಗುರುತಿಸಲಾಗಿದೆ.

  ಲಾರಿ ಚಾಲಕನು ಕುಂದಾಪುರ ಕಡೆಯಿಂದ ಲಾರಿಯನ್ನು ವೇಗವಾಗಿ ಚಲಾಯಿಸಿಕೊಂಡು ಬಂದಿದು ಚಾಲಕನ ಅಜಾಗರೂಕತೆಯಿಂದಾಗಿ ಲಾರಿ ಪಲ್ಟಿಯಾಗಿದೆ ಎಂದು ಎನ್ನಲಾಗಿದೆ.

  ಅಪಘಾತ ಸಂಭವಿಸಿದ ಕೂಡಲೇ ಸಾರ್ವಜನಿಕರು ಇರ್ಫಾನ್‌ ಹಾಗೂ ಚಾಲಕನನ್ನು ಬೈಂದೂರು ಸಮುದಾಯ ಆಸ್ಪತ್ರೆಗೆ ಆಂಬುಲೆನ್ಸ್‌ನಲ್ಲಿ ಕರೆದುಕೊಂಡು ಹೋಗಿದ್ದು ಗಂಭೀರ ಗಾಯಗೊಂಡಿದ್ದ ಇರ್ಫಾನ್‌ ದಾರಿ ಮಧ್ಯೆಯೇ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಈ ಕುರಿತಾಗಿ ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.