ಬಂಟ್ವಾಳ: ಲಾಕ್‌ಡೌನ್‌ - 'ಶ್ರೀ ದೇವೀ ಮಡಿಲು' 51 ಬಡ ಕುಟುಂಬಕ್ಕೆ ನೆರವಿನ ಹಸ್ತ

•   Sat, Apr 04 2020 04:11:51 PM



• ಬಂಟ್ವಾಳ, ಎ.04 (Daijiworld News/MB) : ಕೊರೊನಾ ತಡೆಗಟ್ಟುವ ನಿಟ್ಟಿನಲ್ಲಿ ದೇಶದಾದ್ಯಂತ ಪ್ರಧಾನಿ ಮೋದಿ ಲಾಕ್‌ಡೌನ್‌ಗೆ ಆದೇಶಿಸಿದ್ದು ಹಲವಾರು ಬಡ ಕುಟುಂಬಗಳು ಸಂಕಷ್ಟಕ್ಕೆ ಒಳಗಾಗಿದೆ. ಈ ಸಂಕಷ್ಟಕ್ಕೆ ಒಳಗಾದ ಕೆದಿಲ ಗ್ರಾಮದ 51 ಬಡ ಕುಟುಂಬಕ್ಕೆ ಶ್ರೀ ದೇವೀ ಸ್ಪೋರ್ಟ್ಸ್ ಕ್ಲಬ್ ಗಾಂಧಿನಗರ ಕೆದಿಲ ನೇತೃತ್ವದಲ್ಲಿ ಸಹಾಯ ಮಾಡಲಾಗಿದೆ.

  

  

  

  

  ಶ್ರೀ ದೇವೀ ಸ್ಪೋರ್ಟ್ಸ್ ಕ್ಲಬ್ ಗಾಂಧಿನಗರ ಕೆದಿಲ ಇದರ ನೇತೃತ್ವದಲ್ಲಿ ಶ್ರೀ ದೇವೀ ಸ್ಪೋರ್ಟ್ಸ್ ಕ್ಲಬ್ ನ ಮಾರ್ಗದರ್ಶಕರಾದ ಪುಷ್ಪರಾಜ್ ಹೆಗ್ಡೆ ಸತ್ತಿಕಲ್ಲು, ಮಾಜಿ ಯೋಧರಾದ ಜನಾರ್ಧನ್ ಕುಲಾಲ್ ಗಾಣದ ಕೊಟ್ಯ,ಚೆನ್ನಪ್ಪ ಗೌಡ ಕುದುಮಾನ್, ಹಾಗೂ ಊರಿನ ಹಲವಾರು ದಾನಿಗಳ ಸಹಕಾರದಿಂದ ಸಹಾಯ ಮಾಡಲಾಗಿದೆ.

  ಶ್ರೀ ದೇವೀ ಮಡಿಲು ಎಂಬ ಕಾರ್ಯಕ್ರಮದ ಮೂಲಕ ಕೆದಿಲ ಗ್ರಾಮದ 51 ಬಡ ಕುಟುಂಬಗಳ ಮನೆಗಳಿಗೆತೆರಳಿ ಸಹಾಯಾರ್ಥವಾಗಿ (ತಲಾ 750ರೂಪಾಯಿಯ) ಅಗತ್ಯವಾದ ವಸ್ತುಗಳನ್ನು ನೀಡಲಾಗಿದೆ.

  ಮೊದಲನೆಯ ದಿನ ಸುಮಾರು 25 ಮನೆಗಳ ಪಟ್ಟಿ ಮಾಡಿದ್ದ ಈ ತಂಡ ಎರಡನೇ ದಿನಕ್ಕೆ 51 ಬಡ ಕುಟುಂಬಗಳಿಗೆ ನೆರವಾಗಿದೆ.