ಮಂಗಳೂರು : ಯುವತಿಯನ್ನು ಬೆಂಗಳೂರಿನಿಂದ ಮಂಗಳೂರಿಗೆ ತನ್ನ ಕಾರಿನಲ್ಲಿ ಕರೆತಂದ ಶಾಸಕ - ಖಾದರ್ ಕಾರ್ಯಕ್ಕೆ ಭಾರೀ ಪ್ರಶಂಸೆ

•   Sun, Apr 12 2020 04:23:08 PM



• ಮಂಗಳೂರು, ಎ.12 (Daijiworld News/MB) : ಕೊರೊನಾ ನಿಯಂತ್ರಿಸಲು ಲಾಕ್‌ಡೌನ್‌ ಹಾಕಲಾಗಿದ್ದು ಎಷ್ಟೋ ಜನರು ತಮ್ಮ ಊರಿಗೆ ಹೋಗಲಾಗದೆ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇದೇ ರೀತಿ ತನ್ನ ಊರಿಗೆ ಮರಳಲಾಗದೇ ಬೆಂಗಳೂರಿನಲ್ಲೇ ಉಳಿದಿದ್ದ ಇಟಲಿಯಿಂದ ಬಂದಿದ್ದ ಯುವತಿಯನ್ನು ಬೆಂಗಳೂರಿನಿಂದ ಮಂಗಳೂರಿಗೆ ಶಾಸಕ ಯು ಟಿ ಖಾದರ್‌ ಅವರು ತನ್ನ ಕಾರಿನಲ್ಲೇ ಕರೆದುಕೊಂಡು ಬಂದಿದ್ದು ಜನರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

  

  

  ಇಟಲಿಯಲ್ಲಿ ವಾಸವಾಗಿದ್ದ ಮಂಗಳೂರಿನ ಯುವತಿ ಮಧು ಭಟ್ ಮಾ.22ರ ಕೊನೆಯ ವಿಮಾನದಲ್ಲಿ ದೆಹಲಿ ತಲುಪಿದ್ದು ಅಲ್ಲಿಯೇ ಕ್ವಾರಂಟೈನ್‌ನಲ್ಲಿ ಇದ್ದರು. ಕ್ವಾರಂಟೈನ್‌ ಅವಧಿ ಮುಗಿದ ಬಳಿಕ ರಾತ್ರಿ ದೆಹಲಿಯಿಂದ ವಿಶೇಷ ಬಸ್‌ ಮೂಲಕ ಬೆಂಗಳೂರಿಗೆ ಬಂದಿದ್ದು ಅಲ್ಲಿಯೇ ಉಳಿದಿದ್ದರು.

  ದಾಯ್ಜಿವರ್ಲ್ಡ್ ವಾಹಿನಿಯಲ್ಲಿ ನಡೆದ ನೇರ ಪ್ರಸಾರ ಕಾರ್ಯಕ್ರಮದಲ್ಲಿ ಈ ಕುರಿತಾಗಿ ಮಧು ಭಟ್ ತಂದೆ ಶಿವರಾಮ್ ಭಟ್ ಅವರು ಶಾಸಕ ಯು ಟಿ ಖಾದರ್‌ ಅವರಲ್ಲಿ ತಿಳಿಸಿದ್ದು ಶಾಸಕರು ತಾವು ನೆರೆವಾಗುವುದಾಗಿ ಭರವಸೆ ನೀಡಿದ್ದರು.

  ಇದೀಗ ಶಾಸಕರು ತನ್ನ ಕಾರಿನಲ್ಲೇ ಯುವತಿಯನ್ನು ಬೆಂಗಳೂರಿನಿಂದ ಮಂಗಳೂರಿಗೆ ಕರೆದುಕೊಂಡು ಬಂದಿದ್ದು ಸ್ವತಃ ಅವರೇ ಮನೆಗೆ ತಲುಪಿಸಿದ್ದು ಖಾದರ್‌ ಅವರ ಈ ಕಾರ್ಯಕ್ಕೆ ಜನರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.