ಬೆಳ್ತಂಗಡಿ: ನಿಂತಿದ್ದ ಟಿಪ್ಪರ್'ಗೆ ಕಾರು ಢಿಕ್ಕಿ - 9 ತಿಂಗಳ ಮಗು ಸಾವು- ನಾಲ್ವರಿಗೆ ಗಂಭೀರ ಗಾಯ

•   Wed, May 06 2020 06:11:02 PM



• ಬೆಳ್ತಂಗಡಿ, ಮೇ 6 (Daijiworld News/MSP): ರಸ್ತೆ ಅಪಘಾತದಲ್ಲಿ ಎಳೆಮಗುವೊಂದು ಮೃತಪಟ್ಟಿದ್ದು, ನಾಲ್ಕು ಮಂದಿ ಗಾಯಗೊಂಡ ಘಟನೆ ಉಜಿರೆಯಲ್ಲಿ ಮಂಗಳವಾರ ತಡರಾತ್ರಿ ನಡೆದಿದೆ.

  

  

  ಇಕೋ ವಾಹನದಲ್ಲಿ ಉಜಿರೆಯ ನಿವಾಸಿಗಳಾದ ಚಾಲಕ ಪ್ರಮೋದ್, ಅವರ ಹೆಂಡತಿ ಅಶ್ವಿನಿ, ಅವರ ಪುತ್ರಿ ಮಾಧವಿ ಇವರೊಂದಿಗೆ ಮಮತ, ಅವರ ಮಗು ಸಾತ್ವಿ ರವರೊಂದಿಗೆ ಮಡಂತ್ಯಾರು ಚಾರ್ಮಾಡಿ ರಸ್ತೆಯಲ್ಲಿ ರಾತ್ರಿ 11.00 ಗಂಟೆ ವೇಳೆ ಉಜಿರೆಯ ಇಂಡಿಯನ್ ಆಯಿಲ್ ಪೆಟ್ರೋಲ್ ಬಂಕ್ ನ ಬಳಿ ತಲುಪುತ್ತಿದ್ದಂತೆ ವಾಹನವು ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಟಿಪ್ಪರ್ ಲಾರಿಗೆ ಹಿಂದಿನಿಂದ ಢಿಕ್ಕಿ ಹೊಡೆದಿದೆ.

  ಪರಿಣಾಮ ವಾಹನದಲ್ಲಿದ್ದ ಮಾಧವಿ ಎಂಬ ಒಂಭತ್ತು ತಿಂಗಳ ಮಗು ಅಸ್ಪತ್ರೆಗೆ ಕರೆತರುವಾಗ ಮೃತಪಟ್ಟರೆ ಉಳಿದವರು ಗಂಭೀರ ಗಾಯಗೊಂಡಿದ್ದು ಉಜಿರೆ ಹಾಗು ಮಂಗಳೂರಿನ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಚಾಲಕನ ಅಜಾಗರೂಕತೆಯೇ ಘಟನೆಗೆ ಕಾರಣವೆಂದು ಹೇಳಲಾಗಿದೆ.