ಕಡಬ: ಮೆಸ್ಕಾಂ ಸಿಬ್ಬಂದಿಯ ಮೇಲೆ ಹಲ್ಲೆ - ಆರೋಪಿಯ ವಿರುದ್ದ ಪ್ರಕರಣ ದಾಖಲು

•   Fri, May 15 2020 01:00:22 PM



• ಕಡಬ, ಮೇ 15 (DaijiworldNews/PY) : ಮೆಸ್ಕಾ, ನೆಲ್ಯಾಡಿ ಶಾಖೆಯಲ್ಲಿ ಕಿರಿಯ ಪವರ್‌ ಮೆನ್‌ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ಶರಣಪ್ಪ ಛಲವಾದಿ ಎಂಬುವವರ ಮೇಲೆ ಹಲ್ಲೆ ನಡೆಸಿ ಅವಾಚ್ಯ ಶಬ್ದಗಳಿಂದ ಬೈದು ಜೀವ ಬೆದರಿಕೆ ಹಾಕಿರುವ ಘಟನೆ ಕಡಬ ತಾಲೂಕು ಇಚಲಂಪಾಡಿ ಗ್ರಾಮದ ಕೊರಮೇರು ಎಂಬಲ್ಲಿ ಗುರುವಾರ ನಡೆದಿದೆ.

  

  ಹಲ್ಲೆ ನಡೆಸಿದ ವ್ಯಕ್ತಿಯನ್ನು ಕಡಬ ಇಚಿಲಂಪಾಡಿ ಗ್ರಾಮದ ನಿವಾಸಿ ಶಿಬು ವರ್ಗೀಸ್ (43) ಎಂದು ತಿಳಿದುಬಂದಿದೆ.

  ಮೆಸ್ಕಾಂ, ನೆಲ್ಯಾಡಿ ಶಾಖೆಯಲ್ಲಿ ಕಿರಿಯ ಪವರ್ ಮೆನ್ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ಶರಣಪ್ಪ ಛಲವಾದಿ ಎಂಬವರು ಕಡಬ ತಾಲೂಕು ಇಚಲಂಪಾಡಿ ಗ್ರಾಮದ ಕೊರಮೇರು ಎಂಬಲ್ಲಿ ವಿದ್ಯುತ್ ಸರಬರಾಜಿನಲ್ಲಿ ಅಡಚಣೆಯಾದ ಬಗ್ಗೆ ದೂರು ಬಂದ ಹಿನ್ನೆಲೆಯಲ್ಲಿ ಕಿರಿಯ ಪವರ್ ಮೆನ್ ಆನಂದ.ಜಿ.ಲಮಾಣಿ ಎಂಬುವರೊಂದಿಗೆ ಸ್ಥಳಕ್ಕೆ ತೆರಳಿದ್ದರು. ಈ ಸಂದರ್ಭ ಕಡಬ ಇಚಿಲಂಪಾಡಿ ಗ್ರಾಮದ ನಿವಾಸಿ ಶಿಬು ವರ್ಗೀಸ್ ಎಂಬವರಲ್ಲಿ ಅವರ ಇನ್ ವರ್ಟರ್ ಆಫ್ ಮಾಡಲು ವಿನಂತಿಸಿಕೊಂಡಾಗ ಆರೋಪಿ ಶಿಬು ವರ್ಗೀಸ್ ಸಮವಸ್ತ್ರದಲ್ಲಿದ್ದ ಶರಣಪ್ಪ ಛಲವಾದಿ ಮತ್ತು ಆನಂದ.ಜಿ.ಲಮಾಣಿ ರವರಿಗೆ ಹಲ್ಲೆ ನಡೆಸಿ ಅವಾಚ್ಯ ಶಬ್ದಗಳಿಂದ ಬೈದು ಜೀವ ಬೆದರಿಕೆ ಹಾಕಿದ್ದಾರೆ ಎನ್ನಲಾಗಿದೆ.

  ಈ ಬಗ್ಗೆ ಉಪ್ಪಿನಂಗಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿಯನ್ನು ತನಿಖೆ ಮಾಡಲಾಗಿದ್ದು, ತನಿಖೆ ಮುಂದುವರೆದಿದೆ.