ಅಯ್ಯಯ್ಯೋ.. ಇವಳೆಂಥಾ ಸೊಸೆ ಕಣ್ರೀ, ಅತ್ತೆ ಮಾವನ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ ರಾಕ್ಷಸಿ

•   Tue, Sep 19 2017 01:04:17 PM



• ಉಡುಪಿ, ಸೆ19: ಮನೆಗೆ ಮಹಾಲಕ್ಷ್ಮಿಯಾಗಬೇಕಿದ್ದ ಸೊಸೆ ಇಳಿ ವಯಸ್ಸಿನ ಅತ್ತೆ ಮಾವನಿಗೆ ಕಾಲಿನಿಂದ ಒದ್ದು ಮನಬಂದಂತೆ ಹಲ್ಲೆ ಮಾಡಿದ ಘಟನೆ ಉಡುಪಿಯ ತೆಂಕ ನಿಡಿಯೂರು ಗ್ರಾಮದ ಕೆಳಾರ್ಕಳ ಬೆಟ್ಟುವಿನಲ್ಲಿ ನಡೆದಿದೆ.

  

  ವೆಂಕಟೇಶ್ ಪೈ ಮತ್ತು ವೀಣಾ ಪೈ ಹಲ್ಲೆಗೊಳಗಾದ ವೃದ್ಧ ದಂಪತಿಗಳು. ಸೊಸೆ ಅಶ್ವಿನಿ ಪೈ ಈ ಹೇಯ ಕೃತ್ಯ ಮಾಡಿದ್ದು, ಸಟ್ಟುಗ ಬಿಸಿ ಮಾಡಿ ವೃದ್ಧ ಅತ್ತೆ ಮಾವನ ಮೈಮೇಲೆ ಬರೆ ಎಳೆದಿದ್ದಾಳೆ. ಕಾಲಿಂದ ಒದ್ದು, ಖುಷಿಬಂದಂತೆ ಹಲ್ಲೆ ಮಾಡಿದ್ದಾಳೆ. ಅವ್ಯಾಚ ಶಬ್ದಗಳಿಂದ ನಿಂದನೆ ಮಾಡಿ ವೃದ್ಧ ದಂಪತಿಗಳಿಗೆ ಚಿತ್ರಹಿಂಸೆ ನೀಡಿದ್ದಾಳೆ.

  ಈ ವೃದ್ಧ ದಂಪತಿಗೆ ಮೂರು ಮಂದಿ ಮಕ್ಕಳು. ಅದರಲ್ಲಿ ಮೊದಲಿಗನಾದ ಲಕ್ಷ್ಮಣ್ ಪೈ ಮಲ್ಪೆಯ ಲಕ್ಷ್ಮೀ ನಗರದ ತನ್ನ ಮನೆಗೆ ಕಳೆದ 15 ದಿನಗಳ ಹಿಂದೆ ಈ ವೃದ್ಧ ದಂಪತಿಗಳನ್ನು ಕರೆದುಕೊಂಡು ಹೋಗಿದ್ದರು. ಅಂದಿನಿಂದ ಅಶ್ವಿನಿ ಪೈ ಸಿಡುಕುಗೊಂಡಿದ್ದು, ಪತಿ ಇಲ್ಲದ ವೇಳೆ ಅತ್ತೆ ಮಾವನ ಮೇಲೆ ಸದಾ ದೌರ್ಜನ್ಯ ನಡೆಸುತ್ತಿದ್ದಳು. ಕಳೆದ ವಾರ ಈ ದಂಪತಿಯ ಕಿರಿಯ ಮಗ ಅಣ್ಣನ ಮನೆಗೆ ಭೇಟಿ ನೀಡಿದ್ದ ವೇಳೆ ಅಶ್ವಿನಿಯ ನೀಚ ಕೃತ್ಯ ಬಯಲಾಗಿದೆ. ತಕ್ಷಣ ಮಗ ಭರತ್ ಪೈ ತನ್ನ ತಂದೆ ತಾಯಿಯನ್ನು ಆಸ್ಪತ್ರೆಗೆ ಸಾಗಿಸಿ ಮಲ್ಪೆ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

  ಪ್ರಕರಣ ದಾಖಲಾದ ಬಳಿಕ ಆರೋಪಿ ಅಶ್ವಿನಿ ಪೈ ಮತ್ತು ಪತಿ ಲಕ್ಷಣ ಪೈ ಮನೆಯಿಂದ ಕಾಣೆಯಾಗಿದ್ದರು.  ಆದರೆ, ಪೊಲೀಸರು ಆರೋಪಿಗಳನ್ನು ಪತ್ತೆ ಹಚ್ಚಿ ವಶಕ್ಕೆ ಪಡೆದುಕೊಂಡಿದ್ದಾರೆ. ಇದೀಗ ಉಡುಪಿ ಜಿಲ್ಲಾ ಸತ್ರ ನ್ಯಾಯಾಲಯ ಅಶ್ವಿನಿ ಪೈಗೆ 11 ದಿನಗಳರೆಗೆ ನ್ಯಾಯಾಂಗ ಬಂಧನಕ್ಕೆ ಆದೇಶ ನೀಡಿದೆ.