ಮಂಗಳೂರು: ಸೌದಿ ಅರೇಬಿಯಾದಿಂದ ಇನ್ನೂ ವಿಮಾನ ನಿಗದಿಯಾಗಿಲ್ಲ - ಜಿಲ್ಲಾಧಿಕಾರಿ

•   Tue, May 19 2020 04:49:03 PM



• ಮಂಗಳೂರು, ಮೇ 19 (Daijiworld News/MSP): ಮಂಗಳೂರಿಗೆ ಸೌದಿ ಅರೇಬಿಯಾ ದೇಶದಿಂದ ಯಾವುದೇ ವಿಮಾನ ಆಗಮನ ಇನ್ನೂ ನಿಗದಿಯಾಗಿಲ್ಲ ಎಂದು ಜಿಲ್ಲಾಧಿಕಾರಿ ಸಿಂಧೂ ರೂಪೇಶ್ ತಿಳಿಸಿದ್ದಾರೆ.

  

  ಅವರು ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಈ ಮಾಹಿತಿ ನೀಡಿದರು. ಮೇ 20 ರಂದು ಮಸ್ಕತ್ ಹಾಗೂ 22 ರಂದು ಕತಾರ್ ನಿಂದ ಮಂಗಳೂರಿಗೆ ವಿಮಾನ ಆಗಮಿಸಲಿದೆ. ದುಬೈ ಯಿಂದ ಎರಡು ವಿಮಾನ ಈಗಾಗಲೇ ಆಗಮಿಸಿದೆ. ಸೌದಿ ಅರೇಬಿಯಾ ದೇಶದಿಂದ ಮಂಗಳೂರಿಗೆ ವಿಮಾನ ಆಗಮನದ ಬಗ್ಗೆ ಇನ್ನೂ ಯಾವುದೇ ನಿಗದಿಯಾಗಿಲ್ಲ ಎಂದು ತಿಳಿಸಿದರು.

  ಕೊರೊನಾ ಲಾಕ್ ಡೌನ್ ನಿಂದಾಗಿ ಕುವೈತ್ ಸೇರಿದಂತೆ ಇತರ ಗಲ್ಪ್ ರಾಷ್ಟ್ರಗಳಲ್ಲಿ ಬಾಕಿಯಾದವರನ್ನು ತುರ್ತಾಗಿ ಕರೆತರಲು ಕೇಂದ್ರ ಸರ್ಕಾರ ವಿಶೇಷ ಕಾಳಜಿ ತೋರಬೇಕು ಎನ್ನುವ ಒತ್ತಾಯ ಅನಿವಾಸಿ ಭಾರತೀಯರಿಂದ ಕೇಳಿಬರುತ್ತಿದೆ.