ಮಂಗಳೂರು: ಮೇ 20ರಂದು ಮಸ್ಕತ್ ನಿಂದ ಮಂಗಳೂರಿಗೆ ಬರಲಿದೆ ಮೊದಲ ವಿಮಾನ

•   Tue, May 19 2020 08:00:02 PM



• ಮಂಗಳೂರು, ಮೇ 19 (DaijiworldNews/SM): ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಲಾಕ್ ಡೌನ್ ಬಳಿಕ ಇದೀಗ ಮೂರನೇ ವಿಮಾನ ಮೇ 20ರಂದು ಆಗಮಿಸಲಿದೆ. ಮಸ್ಕತ್ ನಲ್ಲಿರುವ ಕನ್ನಡಿಗರನ್ನು ಒಳಗೊಂಡ ವಿಮಾನ ಮಂಗಳೂರಿಗೂ ಆಗಮಿಸಲಿದೆ. ಇದು ಮಸ್ಕತ್ ನಿಂದ ಮಂಗಳೂರಿಗೆ ಆಗಮಿಸುವ ಮೊದಲ ವಿಮಾನವಾಗಿರಲಿದೆ.

  

  ಮಸ್ಕತ್ ನಿಂದ ನೇರವಾಗಿ ಬೆಂಗಳೂರಿಗೆ ಬರಲಿರುವ ವಿಮಾನ, ಬಳಿಕ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಲಿದೆ. ಕರಾವಳಿಯ 63ಮಂದಿ ಮಸ್ಕತ್ ನಿಂದ ಆಗಮಿಸಲಿದ್ದಾರೆ.

  ಇನ್ನು ಮಸ್ಕತ್ ನಿಂದ ಒಟ್ಟು 176 ಮಂದಿ ಪ್ರಯಾಣಿಕರು ಹೊರಡಲಿದ್ದು, ಈ ಪೈಕಿ ಇಬ್ಬರು ಶಿಶುಗಳು ಸೇರಿದಂತೆ 113 ಮಂದಿ ಪ್ರಯಾಣಿಕರು ಬೆಂಗಳೂರಿನಲ್ಲಿ ಲ್ಯಾಂಡ್ ಆಗಲಿದ್ದಾರೆ. ಉಳಿದ 63 ಪ್ರಯಾಣಿಕರನ್ನೊಳಗೊಂಡು ವಿಮಾನ ಮಂಗಳೂರಿಗೆ ಆಗಮಿಸಲಿದೆ ಎಂದು ಮೂಲಗಳು ತಿಳಿಸಿವೆ.