ಕಾಸರಗೋಡು: ಬೈಕ್ ಅಪಘಾತದಲ್ಲಿ ಉಪ್ಪಳ ನಿವಾಸಿ ಸಾವು - ಸಹ ಸವಾರ ಗಂಭೀರ

•   Wed, May 20 2020 05:19:22 PM



• ಕಾಸರಗೋಡು, ಮೇ 20 (Daijiworld News/MSP): ತ್ರಿಶ್ಯೂರಿನಲ್ಲಿ ನಡೆದ ಬೈಕ್ ಅಪಘಾತದಲ್ಲಿ ಉಪ್ಪಳ ನಿವಾಸಿಯೋರ್ವರು ಮೃತಪಟ್ಟ ಘಟನೆ ನಡೆದಿದೆ . ಅಪಘಾತದ ಪರಿಣಾಮ ಸಹ ಸವಾರ ಗಂಭೀರ ಗಾಯಗೊಂಡಿದ್ದಾರೆ.

  

  ಮೃತರನ್ನು ಉಪ್ಪಳ ಪಚ್ಲಂಪಾರೆಯ ರಶೀದ್ (28)ಎಂದು ಗುರುತಿಸಲಾಗಿದೆ. ಜೊತೆಗಿದ್ದ ಜಮಾಲ್ ( 26) ಗಂಭೀರ ಗಾಯಗೊಂಡಿದ್ದು , ಚಾವಕ್ಕಾಡ್ ನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬುಧವಾರ ಮುಂಜಾನೆ ಚಾವಕ್ಕಾಡ್ ಸಮೀಪ ಅಪಘಾತ ನಡೆದಿದೆ.

  ಎರ್ನಾಕುಲಂನಿಂದ ಕಾಸರಗೋಡು ಕಡೆಗೆ ಬರುತ್ತಿದ್ದ ಬೈಕ್ ಲಾರಿಯ ಹಿಂಬದಿಗೆ ಢಿಕ್ಕಿ ಹೊಡೆದಿದ್ದು , ರಸ್ತೆಗೆಸೆಯಲ್ಪಟ್ಟ ಇಬ್ಬರನ್ನು ಆಸ್ಪತ್ರೆಗೆ ತಲಪಿಸಿದರೂ ರಶೀದ್ ಮೃತಪಟ್ಟಿದ್ದಾರೆ . ಚಾವಕ್ಕಾಡ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ .