ಸಾಲೆತ್ತೂರು: ಬೃಹತ್ ಅಕ್ರಮ ಕಸಾಯಿಖಾನೆಗೆ ದಾಳಿ - ಓರ್ವ ಸೆರೆ- 200 ದನದ ಚರ್ಮ ವಶ

•   Fri, May 22 2020 09:50:13 AM



• ವಿಟ್ಲ, ಮೇ 22(Daijiworld News/MSP): ಸಾಲೆತ್ತೂರು ಗ್ರಾಮದ ಐತ್ತಕುಮೇರಿನಲ್ಲಿ ಕಾರ್ಯಾಚರಿಸುತ್ತಿದ್ದ ಬೃಹತ್ ಕಸಾಯಿಖಾನೆಗೆ ಗುರುವಾರ ದಾಳಿ ನಡೆಸಿದ ಪೊಲೀಸರು , ಸುಮಾರು ೨೦೦ ದನದ ಚರ್ಮ , ೮ ದನದ ಸಹಿತ ಹಲವು ವಾಹನಗಳನು ವಶಕ್ಕೆ ಪಡೆದಿದ್ದಾರೆ. ಈ ಸಂಬಂಧ ಕೊಳ್ನಾಡು ಕಟ್ಟತಿಲಮಠ ನಿವಾಸಿ ಹಾರಿಸ್ ಯಾನೆ ಮಹಮ್ಮದ್ ಹಾರಿಸ್ (22) ಎಂಬಾತನನು ಬಂಧಿಸಿದ್ದಾರೆ.

  

  ಉಕ್ಕುಡದ ಗೋ ಕಳ್ಳತನ ಪ್ರಕರಣವನ್ನು ಭೇದಿಸಲು ಹೊರಟ ಪೊಲೀಸರ ತಂಡ ಕೊಳ್ನಾಡಿನ ಮನೆಯೊಂದಕ್ಕೆ ದಾಳಿ ನಡೆಸಿದಾಗ ಹಾರಿಸ್ ಪರಾರಿಯಾಗಲು ಯತ್ನಿಸಿದ್ದಾರೆ. ಈ ಸಂದರ್ಭ ಬಿದ್ದು ಕಾಲಿಗೆ ಗಂಭೀರ ಗಾಯವಾಗಿ ಪೊಲೀಸರಿಗೆ ಸಿಕ್ಕಿಬಿದ್ದು, ವಿಚಾರಣೆ ಸಂದರ್ಭ ಕಸಾಯಿಖಾನೆಯ ಮಾಹಿತಿ ನೀಡಿದ್ದಾನೆ ಎನ್ನಲಾಗಿದೆ.

  ಆತ ನೀಡಿದ ಮಾಹಿತಿಯಂತೆ ಐತ್ತಕುಮೇರಿಗೆ ದಾಳಿ ನಡೆಸಿದಾಗ ಅಕ್ರಮ ಕಸಾಯಿಖಾನೆ ಪತ್ತೆಯಾಯಿತು. ಅಲ್ಲಿಂದ ನಾಲ್ಕು ದ್ವಿ ಚಕ್ರ ವಾಹನ ರಿಕ್ಷಾ, ಅಶೋಕ್ ಲೈಲಾಂಡ್ ವಾಹನ ಮತ್ತು ಇತರ ಸಾಮಾಗ್ರಿಗಳನ್ನು ವಶಕ್ಕೆ ಪಡೆಯಲಾಗಿದೆ. ಪ್ರಕರಣದಲ್ಲಿ ಪಂಚಾಯತ್ ಸದಸ್ಯನೋರ್ವ ಶಾಮೀಲಾಗಿದ್ದಾನೆ ಎನ್ನಲಾಗಿದೆ.