ಕಾಸರಗೋಡು: ನಿಲುಗಡೆಗೊಳಿಸಿದ್ದ ರೈಲಿನಿಂದ ನಾಲ್ವರು ಪರಾರಿಯಾಗಲು ಯತ್ನ

•   Sat, May 23 2020 09:41:20 PM



• ಕಾಸರಗೋಡು, ಮೇ 23 (DaijiworldNews/SM): ಸಿಗ್ನಲ್ ಲಭಿಸದ ಹಿನ್ನಲೆಯಲ್ಲಿ ಉಪ್ಪಳ ನಿಲ್ದಾಣದಲ್ಲಿ ನಿಲುಗಡೆ ಗೊಳಿಸಿದ್ದ ರೈಲಿನಿಂದ ನಾಲ್ವರು ಇಳಿದು ಪರಾರಿಯಾದ ಘಟನೆ ಶನಿವಾರ ಸಂಜೆ ಉಪ್ಪಳದಲ್ಲಿ ನಡೆದಿದೆ.

  

  ಮಹಾರಾಷ್ಟ್ರದಿಂದ ಕೇರಳಕ್ಕೆ ಬರುತ್ತಿದ್ದ ವಿಶೇಷ ರೈಲು ಉಪ್ಪಳದಲ್ಲಿ ನಿಲುಗಡೆ ಗೊಳಿಸಲಾಗಿತ್ತು. ಈ ಸಂದರ್ಭದಲ್ಲಿ ನಾಲ್ವರು ರೈಲಿನಿಂದ ಇಳಿದು ಆಟೋ ಮೂಲಕ ಪರಾರಿಯಾಗಿದ್ದಾರೆ. ಇದನ್ನು ಗಮನಿಸಿದ ಪ್ರತ್ಯಕ್ಷದರ್ಶಿಯೋರ್ವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕೂಡಲೇ ಎಚ್ಚೆತ್ತ ಪೊಲೀಸರು ಶೋಧ ನಡೆಸಿದಾಗ ಕುಂಬಳೆಯಲ್ಲಿ ಅವರನ್ನು ಪತ್ತೆ ಹಚ್ಚುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಅಲ್ಲದೆ, ಸರಕಾರದ ಕ್ವಾರಂಟೈನ್ ಗೆ ಸ್ಥಳಾಂತರಿಸಲಾಗಿದೆ.

  ಸರಕಾರದ ಆದೇಶ ಉಲ್ಲಂಘಿಸಿ ಪರಾರಿಯಾಗಲೆತ್ನಿಸಿದ ಕುಂಬಳೆ ಕೊಯಿಪಾಡಿಯ ಶಾಜಿ ಸೇರಿದಂತೆ ನಾಲ್ವರ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.