ದ.ಕ. ಜಿಲ್ಲೆಗೆ ರವಿವಾರ ಶುಭಸುದ್ದಿ-328 ಮಂದಿಯ ಕೊರೊನಾ ವರದಿ ನೆಗೆಟಿವ್

•   Sun, May 24 2020 08:03:24 PM



• ಮಂಗಳೂರು, ಮೇ 24 (DaijiworldNews/SM): ದ.ಕ. ಜಿಲ್ಲೆಯ ಜನತೆಗೆ ರವಿವಾರದಂದು ಶುಭ ಸುದ್ದಿ ಲಭ್ಯವಾಗಿದ್ದು, ಜಿಲ್ಲೆಯಲ್ಲಿ ರವಿವಾರದಂದು ಲಭ್ಯವಾದ ಕೊರೊನಾ ಪರೀಕ್ಷಾ ವರದಿಯಲ್ಲಿ 328 ಮಂದಿಯ ರಿಪೋರ್ಟ್ ನೆಗೆಟಿವ್ ಆಗಿದೆ. ಆ ಮೂಲಕ ದ.ಕ. ಜಿಲ್ಲೆಯ ಜನತೆ ನಿಟ್ಟುಸಿರು ಬಿಡುವಂತಾಗಿದೆ.

  

  ಜಿಲ್ಲೆಯಲ್ಲಿ ರವಿವಾರದಂದು ಒಟ್ಟು 329 ಮಂದಿಯ ಪರೀಕ್ಷಾ ವರದಿ ಲಭ್ಯವಾಗಿದೆ. ಈ ಪೈಕಿ ಒಬ್ಬರ ವರದಿ ಪಾಸಿಟಿವ್ ಆಗಿದೆ. ಉಳಿದಂತೆ 328 ಮಂದಿಯ ವರದಿ ನೆಗೆಟಿವ್ ಆಗಿದೆ. ದೊಡ್ಡ ಸಂಖ್ಯೆಯಲ್ಲಿ ಜಿಲ್ಲೆಯಲ್ಲಿ ಕೊರೊನಾ ವರದಿ ನೆಗೆಟಿವ್ ಬಂದಿರುವುದು ಜಿಲ್ಲೆಯ ಜನತೆಯನ್ನು ನಿರಾಳರನ್ನಾಗಿಸಿದೆ. ಇನ್ನು ಸುಮಾರು 639 ಮಂದಿಯ ವರದಿ ನಿರೀಕ್ಷಿಸಲಾಗಿದೆ.

  ರವಿವಾರದಂದು 384 ಮಂದಿಯ ಮಾದರಿಗಳನ್ನು ಪರೀಕ್ಷೆಗೆ ರವಾನಿಸಲಾಗಿದೆ. 19 ಮಂದಿಯನ್ನು ನಿಗಾ ಹಿನ್ನೆಲೆಯಲ್ಲಿ ಕ್ವಾರಂಟೈನ್ ನಲ್ಲಿಡಲಾಗಿದೆ. ಸದ್ಯ ದಕ್ಷಿಣ ಕನ್ನಡದಲ್ಲಿ 34 ಮಂದಿ ಕೊರೊನಾ ಸೋಂಕಿತರಿದ್ದು ಅವರಿಗೆ ಚಿಕಿತ್ಸೆ ಮುಂದುವರೆಸಲಾಗಿದೆ.