ಕಾಪು ಪೇಟೆಯ ಮಧ್ಯದಲ್ಲಿ ವಾಮಾಚಾರ - ಭಯಭೀತರಾದ ಜನ

•   Wed, May 27 2020 04:15:43 PM



• ಕಾಪು, ಮೇ 27 (Daijiworld News/MSP): ಬುಧವಾರ ಬೆಳ್ಳಂಬೆಳಗ್ಗೆ ಕಾಪು ಪೇಟೆಯಲ್ಲಿ ವಾಮಾಚಾರ ಮಾಡಿದ ಕುರುಹು ಪತ್ತೆಯಾಗಿದೆ. ಕಾಪು ಪೇಟೆಯಲ್ಲಿ ಬೆಳಿಗ್ಗೆ ಅಂಗಡಿ ಮುಂಗಟ್ಟು ತೆರೆಯಲು ಬಂದ ಅಂಗಡಿ ಮ್ಹಾಲಕರು ಅರೆ ಕ್ಷಣ ಭಯಭೀತರಾದರು.

  

  ತಗಡು,ಲಿಂಬೆಹಣ್ಣುಗಳು,ಬೊಂಬೆ,ಕುಂಬಳಕಾಯಿ ಕುಂಕುಮ ಬಳಸಿ ವಾಮಾಚಾರ ಮಾಡಿದ ಕುರುಹು ಪತ್ತೆಯಾಗಿದೆ. ಈ ಬಗ್ಗೆ ಅಂಗಡಿ ಮಾಲಕರು ಕಾಪು ಪುರಸಭಾಧಿಕಾರಿಗೆ ದೂರು ನೀಡಿದ್ದಾರೆ. ಅವರು ಸ್ಥಳಕ್ಕೆ ಆಗಮಿಸಿ ಸ್ಥಳ ಪರಿಶೀಲನೆ ನಡೆಸಿ ಸ್ಥಳದಲ್ಲಿರುವ ಸಿ.ಸಿ. ಕೆಮರಾ ಫೂಟೇಜ್ ಮೂಲಕ ಆರೋಪಿಗಳನ್ನು ಪತ್ತೆ ಹಚ್ಚಲು ಮುಂದಾಗಿದ್ದಾರೆ. ಕೊರೊನಾ ಲಾಕ್ ಡೌನ್ ವೇಳೆಯಲ್ಲೂ ವಾಮಾಚಾರ ಮಾಡುವವರು ಸಕ್ರಿಯವಾಗಿ ಕಾರ್ಯಾಚರಿಸುತ್ತಿದ್ದು ಜನರಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ.