ಕಾಸರಗೋಡು: ಸರಕು ಸಾಗಾಟದ ಲಾರಿಯಲ್ಲಿ ಭಾರೀ ಮೌಲ್ಯದ ತಂಬಾಕು ಉತ್ಪನ್ನ ಸಾಗಾಟ-ಇಬ್ಬರ ಬಂಧನ

•   Wed, Jun 03 2020 09:40:01 PM



• ಕಾಸರಗೋಡು, ಜೂ 03 (DaijiworldNews/SM): ಸರಕು ಸಾಗಾಟದ ಲಾರಿಯಲ್ಲಿ ಭಾರೀ ಮೌಲ್ಯದ ತಂಬಾಕು ಉತ್ಪನ್ನಗಳನ್ನು ಸಾಗಾಟ ಮಾಡುತ್ತಿದ್ದ ಸಂದರ್ಭದಲ್ಲಿ ಕಾಸರಗೋಡು ನಗರ ಠಾಣಾ ಪೊಲೀಸರು ಕಾರ್ಯಾಚರಣೆ ನಡೆಸಿ ವಶಪಡಿಸಿಕೊಂಡಿರುವ ಘಟನೆ ನಡೆದಿದ್ದು, ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರನ್ನು ಬಂಧಿಸಿದ್ದಾರೆ.

  

  

  

  ಬಂಧಿತರನ್ನು ವಿದ್ಯಾನಗರದ ಜೈನುದ್ದೀನ್(55) ಮತ್ತು ಅಬ್ದುಲ್ ಮಜೀದ್(30) ಎಂದು ಗುರುತಿಸಲಾಗಿದೆ. ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ರಾಷ್ಟೀಯ ಹೆದ್ದಾರಿಯ ಕರಂದಕ್ಕಾಡ್ ನಲ್ಲಿ ಮಂಗಳೂರು ಕಡೆಯಿಂದ ಕಾಸರಗೋಡಿನತ್ತ ಬರುತ್ತಿದ್ದ ಲಾರಿಯನ್ನು ನಿಲ್ಲಿಸಿ ತಪಾಸಣೆ ನಡೆಸಿದಾಗ ಚಾಲಕನ ಹಿಂಬದಿ ತಂಬಾಕು ಉತ್ಪನ್ನಗಳು 12 ಗೋಣಿ ಚೀಲಗಳಲ್ಲಿ ತುಂಬಿಸಿ ತಂಬಾಕು ಉತ್ಪನ್ನಗಳನ್ನು ಸಾಗಿಸಲಾಗುತ್ತಿರುವುದು ಪತ್ತೆಯಾಗಿದೆ.

  ಮಂಗಳೂರಿನಿಂದ ಕಾಞ೦ಗಾಡ್ ಗೆ ತಂಬಾಕು ಉತ್ಪನ್ನಗಳನ್ನು ಸಾಗಿಸಲಾಗುತ್ತಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.