ತೊಕ್ಕೊಟ್ಟು, ಪಂಪ್ ವೆಲ್ ಆಯಿತು ಇದೀಗ ಸುರತ್ಕಲ್ ಫ್ಲೈ ಓವರ್ ಮೇಲೂ ಬ್ಯಾನರ್

•   Thu, Jun 04 2020 10:01:55 AM



• ಮಂಗಳೂರು, ಜೂ 04 (Daijiworld News/MSP): ನಗರದ ಪಂಪ್ ವೆಲ್ ಹಾಗೂ ತೊಕ್ಕೊಟ್ಟು ಮೇಲ್ಸೇತುವೆಗಳಿಗೆ ಹಾಗೂ, ಮೈದಾನಗಳಿಗೆ ಹೊಸ ಹೆಸರು ಇಡುತ್ತಿರುವ ಕಾಣದ ಕೈಗಳು ಬುಧವಾರ ತಡರಾತ್ರಿ ಸುರತ್ಕಲ್ ಫ್ಲೈ ಓವರ್ ಮೇಲೂ ಫ್ಲೆಕ್ಸ್ ಬ್ಯಾನರ್ ಹಾಕಿದ್ದಾರೆ.

  

  ಭಗತ್ ಸಿಂಗ್ ಮೇಲ್ಸೇತುವೆ ಸುರತ್ಕಲ್ ಎಂಬ ಹೆಸರಿನ ಬ್ಯಾನರ್ ತಡರಾತ್ರಿ ಅಳವಡಿಸಲಾಗಿದ್ದು, ಯಾರು ಈ ಫ್ಲೆಕ್ಸ್ ಹಾಕಿದ್ದಾರೆ ಎನ್ನುವುದು ತಿಳಿದುಬಂದಿಲ್ಲ.

  ಇನ್ನೊಂದೆಡೆ ಸಾಮಾಜಿಕ ಜಾಲತಾಣಗಳಲ್ಲಿ ಭಜರಂಗದಳ ಸಂಘಟನೆ ಹೆಸರಿನಲ್ಲಿ ಮೆಸೇಜ್ ಹರಿದಾಡುತ್ತಿದ್ದು ಫ್ಲೈ ಓವರ್ ಮೇಲೆ ಸಂಘಟನೆ ಬ್ಯಾನರ್ ಹಾಕಿದೆ, ಇನ್ನು ಮುಂದೆಯೂ ತುಳುನಾಡಿನ ವೀರ ಪುರುಷರ ಹೆಸರನ್ನು ಇಡುವ ಕೆಲಸ ಮುಂದುವರಿಯಲಿದೆ ಎಂದು ಹೇಳಿದೆ. ಆದರೆ ಈ ಬಗ್ಗೆ ಸಂಘಟನೆಯವರು ದೃಢಪಡಿಸಿಲ್ಲ.