ಉಡುಪಿ:ಅಪಘಾತಕ್ಕೀಡಾಗಿ ನಟಿ ರಂಜಿತಾ ಲೂಯಿಸ್ ಐಸಿಯುಗೆ ದಾಖಲು

•   Tue, Mar 27 2018 02:28:41 PM



• ಉಡುಪಿ, ಮಾ 27: ಕೊಂಕಣಿ, ತುಳು ಸಿನಿಮಾದ ನಟಿ ರಂಜಿತಾ ಲೂಯಿಸ್ ಚಲಾಯಿಸುತ್ತಿದ್ದ ದ್ವಿಚಕ್ರ ವಾಹನ ಅಪಘಾತಕ್ಕೀಡಾಗಿ , ಅವರು ಆಸ್ಪತ್ರೆಗೆ ದಾಖಲಾದ ಘಟನೆ ಸಾಸ್ತಾನದ ಮಾಬುಕಳ ಎಂಬಲ್ಲಿ ಮಾ.26 ಮಂಗಳವಾರ ನಡೆದಿದೆ. ರಂಜಿತಾ ಚಲಾಯಿಸುತ್ತಿದ್ದ ಆಕ್ಟೀವಾಕ್ಕೆ ಮತ್ತೊಂದು ದ್ವಿಚಕ್ರ ವಾಹನ ಡಿಕ್ಕಿಯಾದ ಪರಿಣಾಮ ಕೆಳಕ್ಕೆ ಬಿದ್ದ ಅವರ ತಲೆಗೆ ಗಂಭೀರ ಗಾಯಗಳಾಗಿದ್ದು, ಮಣಿಪಾಲದ ಕೆಎಂಸಿ ಆಸ್ಪತ್ರೆಯ ತೀವ್ರ ನಿಗಾ ಘಟಕಕ್ಕೆ ದಾಖಲಾಗಿದ್ದಾರೆ.

  

  ರೊನಾಲ್ಡ್ ಹಾಗೂ ಫ್ಲೇವಿಯಾ ಲೂಯಿಸ್ ದಂಪತಿಯ ಪುತ್ರಿಯಾಗಿರುವ ರಂಜಿತಾ ಲೂಯಿಸ್ ಮೂಲತಃ ಸಾಸ್ತಾನದವರು. ಇವರು ಕೊಂಕಣಿ- ತುಳು ಸಿನಿಮಾಗಳಾದ ನಶೀಬಾಚೊ ಖೇಳ್‌ , ಅಪ್ಪೆ ಟೀಚರ್, ಜಾವಂಯ್ ನಂ.1 ಗಳಲ್ಲಿ ಅಭಿನಯಿಸಿದ್ದಾರೆ.