ಮಳಲಿಯ ಯುವಕ ದುಬೈನಲ್ಲಿ ಸಾವು

•   Tue, Jun 09 2020 11:01:34 AM



• ಕೈಕಂಬ, ಜೂ 9 (Daijiworld News/MSP):ತೆಂಕುಳಿಪಾಡಿ ಗ್ರಾಮದ ಮಳಲಿ ಕಾಜಿಲ ಹೌಸ್ ನ ಯುವಕ ಯಶವಂತ (37) ಅವರು ದುಬೈಯಲ್ಲಿ ಶುಕ್ರವಾರ ಮೃತಪಟ್ಟಿರುವ ಮಾಹಿತಿ ದೊರಕಿದೆ. ಮೇಲ್ನೋಟಕ್ಕೆ ಅವರು ಹೃದಯಘಾತದಿಂದ ಸಾವಿಗೀಡಾಗಿದ್ದಾರೆ ಎಂದು ಹೇಳಲಾಗಿದೆ. ಮಂಗಳವಾರ ಶವಪರೀಕ್ಷೆ ವರದಿ ಬರಲಿದೆ.

  

  2 ವರ್ಷದ ಹಿಂದೆ ಅವರು ಎಸಿ ಮೆಕ್ಯಾನಿಕ್ ಆಗಿ ಗಲ್ಪ್ ಗೆ ಹೋಗಿದ್ದರು. ಯಶವಂತ ಅವರು ಬೈಕ್ ನಲ್ಲಿ ಕುಳಿತು ತೆಗೆದ ಪೋಟೋ ಹಾಗು ಬಜಪೆ ಬಳಿಯ ಪ್ರಶಾಂತ್ ನಾರಾಯಣ ಎನ್ನುವರು ಮೃತಪಟ್ಟಿದ್ದಾರೆ ಅವರ ಮಾಹಿತಿ ಇದ್ದವರು ತಿಳಿಸಬೇಕು ಎಂದು ಹೇಳುವ ಆಡಿಯೋ ಮೇಸೇಜ್ ವ್ಯಾಟ್ಸಪ್ ನಲ್ಲಿ ಹರಿದಾಡುತ್ತಿದೆ.