ಕಾಸರಗೋಡು: ಹಲವು ದಿನಗಳ ಬಳಿಕ ಕಾಸರಗೋಡು ಜಿಲ್ಲೆ ನಿರಾಳ-ಯಾವುದೇ ಪಾಸಿಟಿವ್ ಇಲ್ಲ

•   Wed, Jun 10 2020 07:24:06 PM



• ಕಾಸರಗೋಡು, ಜೂ 10 (DaijiworldNews/SM): ಬುಧವಾರ ಕಾಸರಗೋಡು ಜಿಲ್ಲೆಯ ಜನ ನಿರಾಳರಾಗುವ ಸುದ್ದ್ದಿ ಲಭ್ಯವಾಗಿದೆ. ದಿನಗಳ ಬಳಿಕ ಕೊರೊನಾ ಪಾಸಿಟಿವ್ ಗಳಿಲ್ಲದ ದಿನವಾಗಿದೆ. ಇದರ ಜೊತೆಗೆ 9 ಮಂದಿ ಬುಧವಾರ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

  

  ಸದ್ಯ ಜಿಲ್ಲೆಯಲ್ಲಿ 102 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಬುಧವಾರ ಕೇರಳದಲ್ಲಿ 65 ಮಂದಿಗೆ ಸೋಂಕು ದೃಢಪಟ್ಟಿದ್ದು, ವಾರದ ಬಳಿಕ ಸೋಂಕಿತರ ಸಂಖ್ಯೆ ಇಳಿಕೆ ಯಾಗಿದೆ. ಕಳೆದ ಆರು ದಿನಗಳಿಂದ 90 ರ ಗಡಿ ದಾಟಿದ್ದ ಸೋಂಕಿತರು ಬುಧವಾರ ಇಳಿಕೆಯಾಗಿದೆ.

  9 ಮಂದಿ ಗುಣಮುಖ-ಆಸ್ಪತ್ರೆಯಿಂದ ಡಿಸ್ಚಾರ್ಜ್:
  ಈ ನಡುವೆ ಕಾಸರಗೋಡು ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಕುಂಬಳೆಯ ಇಬ್ಬರು, ಪೈವಳಿಕೆ, ವರ್ಕಾಡಿ, ಉದುಮದ ತಲಾ ಒಬ್ಬರು ಮಂಗಲ್ಪಾಡಿ, ಬದಿಯಡ್ಕದ ತಲಾ ಇಬ್ಬರು ಗುಣಮುಖರಾಗಿದ್ದು, ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

  ಜಿಲ್ಲೆಯಲ್ಲಿ ಈಗ 9125 ಮಂದಿ ನಿಗಾದಲ್ಲಿದ್ದಾರೆ. ಈ ಪೈಕಿ 355 ಮಂದಿ ಐಸೋಲೇಷನ್ ವಾರ್ಡ್ ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.