ಉಡುಪಿ: ಹಲವು ದಿನಗಳ ಬಳಿಕ ಉಡುಪಿಯಲ್ಲಿ ಎಲ್ಲಾ ಕೊರೊನಾ ವರದಿಗಳು ನೆಗೆಟಿವ್

•   Thu, Jun 18 2020 10:16:29 PM



• ಉಡುಪಿ, ಜೂ 18 (DaijiworldNews/SM): ಜಿಲ್ಲೆಯಲ್ಲಿ ಗುರುವಾರ ಅಧಿಕೃತವಾಗಿ ಯಾರಲ್ಲೂ ಕೋವಿಡ್- 19 ಸೋಂಕು ಪತ್ತೆಯಾಗಿಲ್ಲ. ಈ ದಿನ ಬಂದ 27 ಮಂದಿಯ ಗಂಟಲು ದ್ರವ ಮಾದರಿಯ ವರದಿಗಳು ನೆಗೆಟಿವ್ ಫಲಿತಾಂಶವನ್ನು ನೀಡಿವೆ ಎಂದು ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಸುಧೀರ್ ಚಂದ್ರ ಸೂಡ ತಿಳಿಸಿದ್ದಾರೆ.

  

  ಈ ಮೂಲಕ ಉಡುಪಿ ಜಿಲ್ಲೆಯ ಒಟ್ಟು ಪಾಸಿಟಿವ್ ಪ್ರಕರಣಗಳ ಸಂಖ್ಯೆ 1039ರಲ್ಲಿ ಸ್ಥಿರವಾಗಿದ್ದು, ಉಡುಪಿ ಜಿಲ್ಲೆಯ ಒಂದು ವಾರದಿಂದ ಇದ್ದ ಅಗ್ರಸ್ಥಾನವನ್ನು ಕಲಬುರಗಿ ಜಿಲ್ಲೆಗೆ ಬಿಟ್ಟುಕೊಟ್ಟು ಎರಡನೇ ಸ್ಥಾನಕ್ಕೆ ತಲುಪಿದೆ.

  38 ಮಂದಿ ಬಿಡುಗಡೆ:
  ಜಿಲ್ಲೆಯಲ್ಲಿ ಇಂದು 38 ಮಂದಿ ಸೋಂಕಿತರು ಗುಣಮುಖರಾಗಿದೆ. ಸೇರಿದಂತೆ ಒಟ್ಟು 946 ಮಂದಿ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ಇದೀಗ ಜಿಲ್ಲೆಯ ವಿವಿಧ ಕೋವಿಡ್ ಆಸ್ಪತ್ರೆಗಳಲ್ಲಿ ಕೇವಲ 92 ಮಂದಿ ಮಾತ್ರ ಸೋಂಕಿಗಾಗಿ ಚಿಕಿತ್ಸೆ ಪಡೆಯುತಿದ್ದಾರೆ ಎಂದು ಡಿಎಚ್‌ಓ ತಿಳಿಸಿದರು.