ಕಾಸರಗೋಡು: ಹೊಳೆಗೆ ಕಾರು ಪಲ್ಟಿ-22ರ ಹರೆಯದ ಯುವಕ ದಾರುಣ ಸಾವು

•   Sun, Jun 21 2020 10:23:40 PM



• ಕಾಸರಗೋಡು, ಜೂ. 21 (DaijiworldNews/SM): ಚಾಲಕನ ನಿಯಂತ್ರಣ ತಪ್ಪಿದ ಕಾರು ಹೊಳೆಗೆ ಉರುಳಿ ಬಿದ್ದು ಯುವಕನೋರ್ವ ಮೃತಪಟ್ಟ ಘಟನೆ ರವಿವಾರ ಸಂಜೆ ನೀಲೇಶ್ವರದ ಬಳಿ ನಡೆದಿದೆ.

  

  ಮೃತಪಟ್ಟ ಯುವಕನನ್ನು ಮೊಹಮ್ಮದ್ ಶೆರೂಬ್(22) ಎಂದು ಗುರುತಿಸಲಾಗಿದೆ. ಮನೆಯಿಂದ ನೀಲೇಶ್ವರ ಪೇಟೆಗೆ ತೆರಳುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಕಾರು ಚಲಾಯಿಸಿಕೊಂಡು ತೆರಳುತ್ತಿದ್ದ ಸಂದರ್ಭ ನಿಯಂತ್ರಣ ಕಳೆದುಕೊಂಡಿದೆ. ಪರಿಣಾಮ ಕಾರು ಹೊಳೆಗೆ ಉರುಳಿ ಬಿದ್ದಿದ್ದು, ಸ್ಥಳೀಯರು, ಪೊಲೀಸರು ಯುವಕನನ್ನು ಮೇಲಕ್ಕೆತ್ತಿದರೂ ಅದಾಗಲೇ ಮೃತಪಟ್ಟಿರುವುದಾಗಿ ತಿಳಿದುಬಂದಿದೆ.