ಕುಂದಾಪುರ: ಬಸ್ ಮತ್ತು ಬೈಕ್ ಡಿಕ್ಕಿ, ಸವಾರ ಸಾವು

•   Wed, Apr 04 2018 02:53:03 PM



• ಕುಂದಾಪುರ ಏ 03: ಖಾಸಗಿ ಬಸ್ಸು ಮತ್ತು ಬೈಕ್ ನಡುವೆ ನಡೆದ ರಸ್ತೆ ಅಪಘಾತದಲ್ಲಿ ಸವಾರ ಸ್ಥಳದಲ್ಲಿ ಮೃತಪಟ್ಟ ಘಟನೆ ಕುಂದಾಪುರದ ಗಂಗೊಳ್ಳಿಯ ಸಮೀಪದ ನಾಂಕವಾಡಿಯಲ್ಲಿ ಬುಧವಾರ ಬೆಳ್ಳಗ್ಗೆ ನಡೆದಿದೆ. ಗುಜ್ಜಾಡಿ ರಾಮ್ ಮಂದಿರದ ನಿವಾಸಿ ಗಣೇಶ್ ದೇವಾಡಿಗ (59) ಎಂದು ಗುರುತಿಸಲಾಗಿದೆ. ಬೈಕ್ ಸವಾರ ತ್ರಾಸಿಯಿಂದ ಮನೆ ಕಡೆಗೆ ತೆರಳುತ್ತಿದ್ದ ವೇಳೆ, ಗಂಗೋಳ್ಳಿಯಿಂದ ಕುಂದಾಪುರ ಕಡೆಗೆ ತೆರಳುತ್ತಿದ್ದ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ಸವಾರ ಗಂಭೀರ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮೃತರು ಮೆಸ್ಕಾಂನಲ್ಲಿ ಲೈನ್ ಮ್ಯಾನ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು, ಇನ್ನು ಮೂರು ತಿಂಗಳಲ್ಲಿ ನಿವೃತ್ತಿ ಹೊಂದುವರಿದ್ದರು.ಮೃತರು ಪತ್ನಿ ಮತ್ತು 4 ಮಂದಿ ಮಕ್ಕಳನ್ನು ಅಗಲಿದ್ದಾರೆ. ಈ ಬಗ್ಗೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.