ಮಂಗಳೂರು: ರಸ್ತೆ ಅಪಘಾತ - ಅಂತಿಮ ವರ್ಷದ ಎಂಜಿನಿಯರಿಂಗ್‌ ವಿದ್ಯಾರ್ಥಿ ಮೃತ್ಯು

•   Wed, Jun 24 2020 01:20:50 PM



• ಮಂಗಳೂರು, ಜೂ 24(DaijiworldNews/PY) : ರಸ್ತೆ ಅಪಘಾತದಲ್ಲಿ ವಿದ್ಯಾರ್ಥಿಯೋರ್ವ ಮೃತಪಟ್ಟ ಘಟನೆ ನಗರದ ರಾಷ್ಟ್ರೀಯ ಹೆದ್ದಾರಿ 66ರ ಕೊಟ್ಟಾರ ಚೌಕಿ ಬಳಿ ಮಂಗಳವಾರ ನಡೆದಿದೆ.

  

  ಮೃತಪಟ್ಟ ವಿದ್ಯಾರ್ಥಿಯನ್ನು ಸುರತ್ಕಲ್‌‌‌‌‌ ಹೊಸಬೆಟ್ಟು ಮಾರುತಿ ನಗರ ನಿವಾಸಿ, ನಿಟ್ಟೆ ಎಂಜಿನಿಯರಿಂಗ್‌‌‌‌ ಕಾಲೇಜಿನ ಅಂತಿಮ ವರ್ಷದ ವಿದ್ಯಾರ್ಥಿ ವಿಶಾಖ್‌‌‌ ಐತಾಳ್‌ (20) ಎಂದು ತಿಳಿದುಬಂದಿದೆ.

  ವಿಶಾಖ್‌‌ ಮಧ್ಯಾಹ್ನದ ವೇಳೆ ಸುರತ್ಕಲ್‌‌ ಕಡೆಯಿಂದ ಕೆಪಿಟಿಯ ಕಡೆಗೆ ಸಂಬಂಧಿಕತರ ಮನೆಯ ಕಾರ್ಯಕ್ರಮಕ್ಕೆ ಬೈಕ್‌ನಲ್ಲಿ ತೆರಳುತ್ತಿದ್ದ ಸಂದರ್ಭ ವಿರುದ್ದ ದಿಕ್ಕಿನಿಂದ ಬಂದ ಟೆಂಪೋ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ವಿಭಾಜಕ ದಾಟಿ ಬೈಕ್‌ ಸವಾರನ ಮೇಲೆ ಬಿದ್ದಿದೆ. ಇದರ ಪರಿಣಾಮ ಬೈಕ್‌ ಸವಾರ ವಿಶಾಖ್‌ ಐತಾಳ್‌‌ ಸ್ಥಳದಲ್ಲೇ ಸಾವನ್ನಪ್ಪಿದ್ಧಾರೆ.

  ಘಟನೆಯ ಬಗ್ಗೆ ಪಾಂಡೇಶ್ವರ ಸಂಚಾರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.