ಮಂಗಳೂರು: ಮ್ಯಾನ್ ಹೋಲ್ ಗೆ ಇಳಿದು ಬ್ಲಾಕ್ ಸರಿಪಡಿಸಿದ ಕಾರ್ಪೊರೇಟರ್

•   Thu, Jun 25 2020 11:18:19 AM



• ಮಂಗಳೂರು , ಜೂ 25(DaijiworldNews/PY) : ಚರಂಡಿ ಬ್ಲಾಕ್ ಆಗಿ ತಕ್ಷಣವೇ ರಿಪೇರಿ ಮಾಡಿ ಕೊಡದ ಕಾರಣ ನಗರದ ಕಾರ್ಪೊರೇಟರ್ ಒಬ್ಬರು ತಾವೇ ಇಳಿದು ಮ್ಯಾನ್ ಹೋಲ್ ಅನ್ನು ಸರಿಪಡಿಸಿದ ಘಟನೆ ಮಂಗಳೂರಿನಲ್ಲಿ ನಡೆದಿದೆ.

  

  

  

   

  ಕದ್ರಿ ಕಂಬಳ ವಾರ್ಡ್ ನ ಬಿಜೆಪಿ ಕಾರ್ಪೋರೇಟರ್ ಮನೋಹರ ಶೆಟ್ಟಿ ಅವರು ಮ್ಯಾನ್ ಹೋಲ್ ಬ್ಲಾಕ್ ಸರಿಪಡಿಸಿ ಜನರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

  ಮಳೆ ನೀರಿನಸಮಸ್ಯೆಯಿಂದಾಗಿ ಕದ್ರಿ ಕಂಬಳ ರಸ್ತೆಯಲ್ಲಿ ತಡೆ ಉಂಟಾಗಿತ್ತು. ಇದರ ಬಗ್ಗೆ ಸಮಸ್ಯೆ ಏನೆಂದು ತಿಳಿದುಕೊಳ್ಳಲು ಪಕ್ಕದಲ್ಲಿ ಮ್ಯಾನ್ ಹೋಲ್ ಚೇಂಬರ್ ಇದ್ದರೂ ಸಮಸ್ಯೆ ಬಗೆಹರಿಯಲಿಲ್ಲ. ಇದನ್ನು ತಿಳಿದ ಕಾರ್ಪೊರೇಟರ್ ಮನೋಹರ್ ಶೆಟ್ಟಿ ಅವರು ತಾವೇ ಚೇಂಬರ್ ಒಳಗಡೆ ಇಳಿದು, ಸಮಸ್ಯೆ ಏನೆಂದು ತಿಳಿಸಿ ಕಾಮಿ೯ಕರಿಗೆ ಸರಿಪಡಿಸುವಂತೆ ಹೇಳಿದ್ದಾರೆ. ಆದರೂ ಕೂಡ ಕಾರ್ಮಿಕರು ಮ್ಯಾನ್ ಹೋಲ್ ಗಿಳಿದು ಕೆಲಸ ಮಾಡಲು ನಿರಾಕರಿಸಿದ್ದಾರೆ. ಇದನ್ನು ಕಂಡ ಮನೋಹರ್ ಶೆಟ್ಟಿ ಅವರು ತಾವೇ ಮನೆಯಿಂದ ಬಟ್ಟೆಯನ್ನು ತರಿಸಿ ಚೇಂಬರ್ ಒಳಗಡೆ ಇಳಿದು ಸ್ವತಃ ಕೆಲಸ ಮಾಡಿದ್ದಾರೆ.