ಕಾಸರಗೋಡು: ಜಿಲ್ಲೆಯಲ್ಲಿ ಮತ್ತೆ ನಾಲ್ವರಲ್ಲಿ ಪಾಸಿಟಿವ್-8 ಮಂದಿ ಗುಣಮುಖ

•   Thu, Jun 25 2020 07:26:09 PM



• ಕಾಸರಗೋಡು, ಜೂ 25 (DaijiworldNews/SM): ಕಾಸರಗೋಡು ಜಿಲ್ಲೆಯಲ್ಲಿ ಇದುವರೆಗೆ ಕೊರೋನಾ ಸೋಂಕಿತರ ಸಂಖ್ಯೆ 420 ಕ್ಕೇರಿದೆ. ಈ ಪೈಕಿ 116 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗುರುವಾರ ನಾಲ್ವರಿಗೆ ಸೋಂಕು ದ್ರಢಪಟ್ಟಿದ್ದು, ಎಂಟು ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಗೊಂಡಿದ್ದಾರೆ.

  

  ಗುರುವಾರ ಸೋಂಕು ದೃಢಪಟ್ಟವರು ವಿದೇಶದಿಂದ ಬಂದವರು. ಕಾಞ0ಗಾಡ್, ಪಳ್ಳಿಕೆರೆ, ಮಡಿಕೈ, ಪುಲ್ಲೂರು, ಪೆರಿಯದ ತಲಾ ಒಬ್ಬರಲ್ಲಿ ಸೋಂಕು ದೃಢಪಟ್ಟಿದೆ. ಗುಣಮುಖರಾದವರಲ್ಲಿ ಪೈವಳಿಕೆ ಹಾಗೂ ಕುಂಬಳೆಯ ತಲಾ ಇಬ್ಬರು, ಮಧೂರು, ಮಂಗಲ್ಪಾಡಿ, ಕೋಡೋ ಬೇಳೂರು, ಬೇಡಡ್ಕ ತಲಾ ಒಬ್ಬರು ಗುಣಮುಖರಾದವರು.

  ಪ್ರಸ್ತುತ ಮಂಗಲ್ಪಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಅತ್ಯಧಿಕ ಹದಿನಾರು ಸೋಂಕಿತರಿದ್ದಾರೆ. ಕುಂಬಳೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಹತ್ತು ಮಂದಿ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.