ಕಾಸರಗೋಡು: ಟಿಪ್ಪರ್ ಲಾರಿ ಅಪಘಾತದಲ್ಲಿ ಓರ್ವ ಸಾವು-ಮೂವರಿಗೆ ಗಾಯ

•   Fri, Jun 26 2020 07:21:34 PM



• ಕಾಸರಗೋಡು, ಜೂ 26 (DaijiworldNews/SM): ಕೆಂಪು ಕಲ್ಲು ಸಾಗಿಸುತ್ತಿದ್ದ ಟಿಪ್ಪರ್ ಲಾರಿ ಅಪಘಾತಕ್ಕೀಡಾಗಿ ಓರ್ವ ಮೃತಪಟ್ಟು, ಮೂವರು ಗಾಯಗೊಂಡ ಘಟನೆ ಶುಕ್ರವಾರ ಸಂಜೆ ಮಧೂರು ಕೊಲ್ಯದಲ್ಲಿ ನಡೆದಿದೆ.

  

  ಮೃತಪಟ್ಟವರನ್ನು ಬದಿಯಡ್ಕ ಪಟ್ಟಾಜೆಯ ಶಿವಪ್ರಸಾದ್(21) ಎಂದು ಗುರುತಿಸಲಾಗಿದೆ. ಇನ್ನು ಘಟನೆಯಲ್ಲಿ ಟಿಪ್ಪರ್ ಚಾಲಕ ಪ್ರಸಾದ್ ಕುಮಾರ್(32), ಕಾರ್ಮಿಕರಾದ ತಲ್ಪಣಾಜೆಯ ಅಕ್ಷಯ್ ಕುಮಾರ್(22), ಮಾನ್ಯ ಚುಕ್ಕಿನಡ್ಕದ ಉಜ್ವಲ್ ಪವನ್(28) ಗಾಯಗೂಂಡಿದ್ದು, ಕಾಸರಗೋಡು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಬದಿಯಡ್ಕ ಕಡೆಯಿಂದ ಮಧೂರಿಗೆ ಕಲ್ಲುಗಳನ್ನು ಹೇರಿಕೊಂಡು ಹೋಗುತ್ತಿದ್ದ ಟಿಪ್ಪರ್ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಬದಿಯ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಲಾರಿಯ ಮೇಲ್ಬಾಗದಲ್ಲಿ ಕುಳಿತಿದ್ದ ಶಿವಪ್ರಸಾದ್ ಹೊರಕ್ಕೆಸೆಯಲ್ಪಟ್ಟಿದ್ದು, ಗಂಭೀರ ಗಾಯಗೊಂಡಿದ್ದಾರೆ. ಕೂಡಲೇ ಅವರನ್ನು ಕಾಸರಗೋಡಿನ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ, ಜೀವ ಉಳಿಸಲಾಗಲಿಲ್ಲ. ವಿದ್ಯಾನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.