ಉಪ್ಪಳ: ಮಂಚದಲ್ಲಿತ್ತು ಹತ್ತು ಕೆ.ಜಿ ಗಾಂಜಾ..!

•   Sat, Jun 27 2020 08:12:05 AM



• ಕಾಸರಗೋಡು , ಜೂ 27 (Daijiworld News/MSP): ಮನೆಯ ಮಂಚದಲ್ಲಿ ಬಚ್ಚಿಡಲಾಗಿದ್ದ ಹತ್ತು ಕಿಲೋ ಗಾಂಜಾವನ್ನು ಉಪ್ಪಳ ಸಮೀಪದ ಜೋಡುಕಲ್ಲು ಎಂಬಲ್ಲಿಂದ ಅಬಕಾರಿ ಸಿಬಂದಿಗಳು ವಶಪಡಿಸಿಕೊಂಡಿದ್ದು , ಆರೋಪಿ ಪರಾರಿಯಾಗಿದ್ದಾನೆ.

  

  ಜೋಡು ಕಲ್ಲು ಮಡಂದೂರಿನ ಅಬ್ದುಲ್ ಗಫೂರ್ ಎಂಬಾತನ ಮನೆಯಿಂದ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ.

  ಕುಂಬಳೆ ಅಬಕಾರಿ ದಳಕ್ಕೆ ಲಭಿಸಿದ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಗಿದ್ದು , ಮನೆಯ ಮಂಚದಲ್ಲಿ ಗೋಣಿ ಚೀಲವೊಂದರಲ್ಲಿ ಗಾಂಜಾವನ್ನು ಬಚ್ಚಿಡಲಾಗಿತ್ತು .

  ಅಬಕಾರಿ ಸಿಬಂದಿಗಳು ದಾಳಿ ನಡೆಸುವ ಮಾಹಿತಿ ತಿಳಿಯುತ್ತಿದಂತೆ ಗಫೂರ್ ಪರಾರಿಯಾಗಿದ್ದಾನೆ .
  ಹೊರರಾಜ್ಯದಿಂದ ಗಾಂಜಾ ತಂದು ವಿವಿದೆಡೆ ಮಾರಾಟ ಮಾಡುತ್ತಿದ್ದ ಎಂದು ಅಬಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ