ಗೆಲ್ಲುವ ಭರವಸೆ ಇಲ್ಲದ ಸಿದ್ದರಾಮಯ್ಯ ನಾನಾ ಕ್ಷೇತ್ರ ಹುಡುಕುತ್ತಿದ್ದಾರೆ- ಶೆಟ್ಟರ್

•   Mon, Apr 09 2018 03:44:55 PM



• ಏ, 09: ಸಿದ್ದರಾಮಯ್ಯ ಅವರಿಗೆ ಗೆಲ್ಲುವ ಭರವಸೆ ಇಲ್ಲ , ಹೀಗಾಗಿಯೇ ನಾನಾ ಕ್ಷೇತ್ರವನ್ನು ಹುಡುಕುತ್ತಾ ಸಿದ್ದರಾಮಯ್ಯ ಅಲೆಯುತ್ತಿದ್ದಾರೆ ಎಂದು ವಿಧಾನಸಭೆ ವಿರೋಧ ಪಕ್ಷದ ನಾಯಕ ಜಗದೀಶ ಶೆಟ್ಟರ್ ವ್ಯಂಗ್ಯವಾಡಿದ್ದಾರೆ. 

  

  ಅವರಿಗೆ ಗೆಲ್ಲುವ ಭರವಸೆಯೇ ಮೂಡುತ್ತಿಲ್ಲ, ಹೀಗಾಗಿ ಸಿದ್ದರಾಮಯ್ಯ ಅವರು ಚಾಮುಂಡೇಶ್ವರಿ, ವರುಣಾ ಬಾದಾಮಿ, ಗಂಗಾವತಿ ಹೀಗೆ ನಾನಾ ಕ್ಷೇತ್ರಗಳನ್ನು ಹುಡುಕಿಕೊಂಡು ಓಡಾಡುತ್ತಿದ್ದಾರೆ , ಅವರಿಗೆ ಜಯದ ಕಿರಣ ಎಲ್ಲಿಯೂ ಗೋಚರಿಸುತ್ತಿಲ್ಲ ಎಂದು ಹೇಳಿದರು. ಹುಬ್ಬಳ್ಳಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು , ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬಿಜೆಪಿ ಪಕ್ಷವು ಕಡಿಮೆ ಸ್ಥಾನ ಗೆಲ್ಲಲಿದೆ ಎಂದು ಹೇಳಿದ್ದಾರೆ, ಆದರೆ ಮುಖ್ಯಮಂತ್ರಿ ಜ್ಯೋತಿಷ್ಯ ಶಾಸ್ತ್ರ ಯಾವಾಗ ಅಭ್ಯಾಸ ಮಾಡಿ ಜ್ಯೋತಿಷಿಯಾದ್ರು ಗೊತ್ತಿಲ್ಲ, ಅದರೆ ಇನ್ನೆರಡು ದಿನಗಳಲ್ಲಿ ಅವರ ಭವಿಷ್ಯವೇ ಅತಂತ್ರವಾಗಲಿದೆ ಎಂದರು. ಈಗಾಗಲೇ ಬಿಜೆಪಿ ಮೊದಲ ಪಟ್ಟಿ ಬಿಡುಗಡೆ ಮಾಡಿದ್ದು , ಇನ್ನೆರಡು ದಿನಗಳಲ್ಲಿ ಅಭ್ಯರ್ಥಿಗಳ ಎರಡನೇ ಪಟ್ಟಿ ಬಿಡುಗಡೆ‌ಯಾಗಲಿದೆ. 150 ಸ್ಥಾನಗಳನ್ನು ಗೆಲ್ಲುವುದು ನಮ್ಮ ಗುರಿ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.