ಕಾಸರಗೋಡು: ಆಟ ಆಡುತ್ತಿದ್ದ ಮಗು ನಿಗೂಢ ನಾಪತ್ತೆ

•   Mon, Sep 04 2017 12:03:30 PM



• ಕಾಸರಗೋಡು,ಸೆ.04: ಮನೆಯಂಗಳದಲ್ಲಿ ಆಟವಾಡುತ್ತಿದ್ದ ಬಾಲಕ  ನಿಗೂಢವಾಗಿ ನಾಪತ್ತೆಯಾದ ಘಟನೆ ಕಾಸರಗೋಡಿನ ಚೆಂಗಳದಲ್ಲಿ ನಡೆದಿದೆ.  ಚೇರೂರಿನ ಎರಡೂವರೆ ವರ್ಷದ ಸೈಬಾನ್ ನಾಪತ್ತೆಯಾದ  ಬಾಲಕ. ಪರಿಸರದ ಸುತ್ತಮುತ್ತ  ಬಾಲಕನಿಗಾಗಿ ಮನೆಯವರು ಮತ್ತು ಸಂಬಂಧಿಕರು ಹುಡುಕಾಟ ನಡೆಸಿದ್ದು, ಪತ್ತೆಯಾಗದ ಹಿನ್ನಲೆಯಲ್ಲಿ ವಿದ್ಯಾನಗರ ಠಾಣಾ  ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮನೆಯ ಸಮೀಪದ  ಹೊಳೆಗೆ ಬಿದ್ದಿರಬಹುದು ಎಂಬ ಸಂಶಯ ಉಂಟಾಗಿದ್ದು, ಸ್ಥಳೀಯರು, ಪೊಲೀಸರು ,ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಶೋಧ ಕಾರ್ಯ ನಡೆಸುತ್ತಿದ್ದಾರೆ. ಇನ್ನು ಘಟನಾ ಸ್ಥಳಕ್ಕೆ ಶಾಸಕ ಎನ್. ಎ ನೆಲ್ಲಿಕುನ್ನು,  ಡಿವೈಎಸ್ಪಿ ಎಂ.ವಿ.ಸುಕುಮಾರನ್, ತಹಶೀಲ್ದಾರ್ ನಾರಾಯಣನ್ ಭೇಟಿ ನೀಡಿದ್ದು, ಶೋಧ ಕಾರ್ಯಕ್ಕೆ ಸಾಥ್ ನೀಡಿದ್ದಾರೆ.