ಉಪ್ಪಿನಂಗಡಿ: ಬೈಕ್‌‌‌ - ಈಚರ್‌‌ ಲಾರಿ ನಡುವೆ ಡಿಕ್ಕಿ - ಬೈಕ್‌ ಸವಾರ ಸಾವು

•   Sun, Jul 26 2020 12:33:45 PM



• ಉಪ್ಪಿನಂಗಡಿ, ಜು 26 (DaijiworldNews/PY): ಮಂಗಳೂರು-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ 75ರ ಉಪ್ಪಿನಂಗಡಿ ಬಳಿಯ ಮಠ ಎಂಬಲ್ಲಿ ಈಚರ್‌‌ ಲಾರಿ ಹಾಗೂ ಬೈಕ್‌‌ ಮಧ್ಯೆ ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಬೈಕ್‌ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿ, ಸಹಸವಾರ ಗಾಯಗೊಂಡಿರುವ ಘಟನೆ ನಡೆದಿದೆ.

  

  ಮೃತಪಟ್ಟ ಬೈಕ್‌ ಸವಾರನನ್ನು ಉಪ್ಪಿನಂಗಡಿ ನಟ್ಟಿಬೈಲು ನಿವಾಸಿ ಗಣೇಶ್‌‌ (23) ಎನ್ನಲಾಗಿದೆ. ಸಹಸವಾರ ಪುರುಷರಕಟ್ಟೆ ನಿವಾಸಿ ನವೀನ ಪುತ್ತೂರಿನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ ಎಂದು ತಿಳಿದುಬಂದಿದೆ.

  ಗಣೇಶ್‌ ಹಾಗೂ ನವೀನ ಬೈಕ್‌ನಲ್ಲಿ ಉಪ್ಪಿನಂಗಡಿಯಿಂದ ನೆಲ್ಯಾಡಿ ಕಡೆಗೆ ತೆರಳುತ್ತಿದ್ದ ಸಂದರ್ಭ ಮಂಗಳೂರಿಗೆ ಹಾಸನ ಕಡೆಯಿಂದ ಬರುತ್ತಿದ್ದ ತರಕಾರಿ ಸಾಗಾಟದ ಈಚರ್‌ ಲಾರಿ ನಡುವೆ ಡಿಕ್ಕಿಯಾಗಿದೆ. ಡಿಕ್ಕಿಯಾದ ಪರಿಣಾಮ ಬೈಕ್‌ ಸವಾರ ಗಣೇಶ್‌‌‌‌‌‌‌‌‌‌ ಗಂಭೀರ ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗುತ್ತಿದ್ದ ಸಂದರ್ಭ ಮೃತಪಟ್ಟಿದ್ದಾರೆ. ಸಹಸವಾರ ನವೀನ ಎಂಬಾತನ ಕಾಲಿಗೆ ಗಾಯವಾಗಿದ್ದು, ಈತ ಪುತ್ತೂರಿನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ಧಾರೆ ಎಂದು ತಿಳಿದುಬಂದಿದೆ.