ದೇಶದ ರೈತರಿಗೆ ಪ್ರಧಾನಿ ಮೋದಿ ಅನ್ಯಾಯ ಮಾಡಿದ್ದಾರೆ – ರಾಹುಲ್ ಕಿಡಿ

•   Fri, Apr 27 2018 08:11:39 AM



• ಭಟ್ಕಳ, ಏ 27: ಜನರಿಗೆ ಕೊಟ್ಟ ಮಾತಿನಂತೆ ಪ್ರಧಾನಿ ನರೇಂದ್ರ ಮೋದಿಯವರು ನಡೆದುಕೊಂಡಿಲ್ಲ ಎಂದು ಏ‌ಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ.

  

  ಭಟ್ಕಳದ ವೆಂಕಟಾಪುರ ಐಸ್‌ಫ್ಯಾಕ್ಟರಿ ಪಕ್ಕದ ಮೈದಾನದಲ್ಲಿ ನಡೆದ ಜನಾಶೀರ್ವಾದ ಯಾತ್ರೆಯನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಮೋದಿ ಕೊಟ್ಟ ಮಾತಿನಂತೆ ಜನರ ಖಾತೆಗೆ 15ಲಕ್ಷ ರುಪಾಯಿ ಹಾಕಿಲ್ಲ. ರೈತರಿಗೂ ಅನ್ಯಾಯ ಮಾಡಿದ್ದಾರೆ. ದೇಶವನ್ನು ಮುನ್ನೆಡೆಸಲು ನರೇಂದ್ರ ಮೋದಿ ವಿಫಲರಾಗಿದ್ದಾರೆ ಎಂದು ಹೇಳಿದರು.

  ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಪುತ್ರ, ಜಯ ಶಾ ಅವರ ವ್ಯವಹಾರ 50 ಸಾವಿರದಿಂದ ದಿಢೀರ್ ಸಾವಿರಾರು ಕೋಟಿಗೆ ಏರಿಕೆಯಾಗಿದೆ. ನೀರವ್ ಮೋದಿ, ಲಲಿತ್ ಮೋದಿ, ವಿಜಯ್ ಮಲ್ಯರಂತವರು ಮಾತ್ರ ಮೋದಿಯವರಿಂದ ಲಾಭ ಪಡೆದುಕೊಂಡಿದ್ದಾರೆ. ದೇಶದ ಕಾವಲುಗಾರ ತಾನು ಎಂದು ಹೇಳಿಕೊಳ್ಳುವ ಮೋದಿ ಇವರ ಬಗ್ಗೆ ಮಾತನಾಡುವುದೇ ಇಲ್ಲ ಎಂದು ಕಿಡಿ ಕಾರಿದ್ದಾರೆ.

  ಈ ಸಂದರ್ಭ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಮಲ್ಲಿಕಾರ್ಜುನ ಖರ್ಗೆ, ಕೆ.ಸಿ ವೇಣುಗೋಪಾಲ, ಆರ್.ವಿ ದೇಶಪಾಂಡೆ ಮತ್ತಿತರ ಕಾಂಗ್ರೆಸ್ ನಾಯಕರು ಉಪಸ್ಥಿತರಿದ್ದರು.