ಉಡುಪಿಯಲ್ಲಿ ಮತ್ತೆ 258 ಮಂದಿಯಲ್ಲಿ ಸೋಂಕು ಪತ್ತೆ

•   Wed, Sep 09 2020 07:34:57 PM



• ಉಡುಪಿ, ಸೆ. 09 (DaijiworldNews/MB) : ಉಡುಪಿ ಜಿಲ್ಲೆಯಲ್ಲಿ ಬುಧವಾರ ಮತ್ತೆ 258 ಮಂದಿಯಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದ್ದು ಸೋಂಕಿತರ ಸಂಖ್ಯೆ 13341 ಕ್ಕೆ ಏರಿಕೆಯಾಗಿದೆ.

  

  171 ಮಂದಿಗೆ ಸಂಪರ್ಕದಿಂದ ಸೋಂಕು ತಗುಲಿದ್ದರೆ, 49 ಐಎಲ್‌ಐ, 7 ಸಾರಿ ಪ್ರಕರಣವಾಗಿದೆ. ಇನ್ನೂ 31 ಮಂದಿಯ ಸೋಂಕಿನ ಮೂಲ ಪತ್ತೆಯಾಗಬೇಕಿದೆ.

  ಇಂದು ಉಡುಪಿ ತಾಲೂಕಿನಲ್ಲಿ 162, ಕುಂದಾಪುರದಲ್ಲಿ 39, ಕಾರ್ಕಳ ತಾಲ್ಲೂಕಿನಲ್ಲಿ 41, ಪ್ರಕರಣ ಪತ್ತೆಯಾಗಿದೆ. ಹಾಗೆಯೇ 16 ಮಂದಿ ಇತರೆ ಜಿಲ್ಲೆಯವರಲ್ಲಿ ಸೋಂಕು ದೃಢಪಟ್ಟಿದೆ.

  ಇನ್ನು ಬುಧವಾರ ಒಬ್ಬರು ಸೋಂಕಿತರು ಸಾವನ್ನಪ್ಪಿದ್ದು ಈವರೆಗೂ 122 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ.

  ಇಂದು 218 ಸೋಂಕಿತರು ಗುಣಮುಖರಾಗಿದ್ದು ಒಟ್ಟು 11342 ಮಂದಿ ಗುಣಮುಖರಾಗಿದ್ದಾರೆ. ಪ್ರಸ್ತುತ 1884 ಸೋಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಇನ್ನು ಇಂದು ದೃಢಪಟ್ಟ 258 ಕೊರೊನಾ ಸೋಂಕಿತರ ಪೈಕಿ 144 ಮಂದಿಯಲ್ಲಿ ರೋಗದ ಲಕ್ಷಣಗಳಿದ್ದು 114 ಮಂದಿಯಲ್ಲಿ ಸೋಂಕಿನ ಯಾವುದೇ ಲಕ್ಷಣಗಳು ಇಲ್ಲ.