ಮಂಗಳೂರು: ಯು.ಟಿ ಖಾದರ್ ವಿನಂತಿಗೆ ಸಸಿನೆಟ್ಟು ಮೊದಲ ಮತದಾನ ಮಾಡಿದ ಯುವಕ

•   Sat, May 12 2018 12:26:52 PM



• ಉಳ್ಳಾಲ, ಮೇ 12: ಮಂಗಳೂರು ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಯು.ಟಿ.ಖಾದರ್ ವಿನಂತಿಗೆ ಯುವಕನೊಬ್ಬ ಸಸಿನೆಟ್ಟು ನಂತರ ಮತದಾನ ಮಾಡಿದ್ದಾನೆ.

  

  ಮಂಗಳೂರು ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಯು.ಟಿ ಖಾದರ್, ಮತದಾನ ಮಾಡುವ ಯುವ ಸಮೂಹಕ್ಕೆ ಮೊದಲ ಮತ ಚಲಾಯಿಸಿದ ಸವಿನೆನಪಿಗಾಗಿ ಗಿಡ ನೆಡುವಂತೆ ಒಂದು ವಿನಂತಿಯನ್ನು ಮಾಡಿದ್ದರು. ಮಾತ್ರವಲ್ಲ ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಈ ಪ್ರಕಟನೆಯನ್ನು ಪ್ರಕಟಿಸಿದ್ದರು. ಇದೀಗ ಯುವಕನೊಬ್ಬ ಖಾದರ್ ವಿನಂತಿಯನ್ನು ಪೂರೈಸಿದ್ದಾನೆ.

  ಮಂಗಳೂರು ಕ್ಷೇತ್ರ ತೊಕ್ಕೊಟ್ಟು ಸಮೀಪದ ಕಲ್ಲಾಪು ಪಟ್ಲದ ಯುವಕ ಯೂಸುಫ್ ಸುನೈಫ್ ಗಿಡನೆಟ್ಟು ಯುಜನತೆಗೆ ಮಾದರಿಯಾಗಿದ್ದಾರೆ. ಮಾತ್ರವಲ್ಲ ಮೊದಲ ಮತದಾನದ ಸವಿನೆನಪಿಗಾಗಿ ನೆಟ್ಟಿರುವ ಗಿಡವನ್ನು ಮರವಾಗುವ ತನಕ ಪೋಷಿಸುವ ಸಂಕಲ್ಪ ಹೊಂದಿದ್ದಾನೆ.